Is mian le TG4 Láithreoir Aimsire/Leanúnachais agus Meán Sóisialta a earcú. Is obair pháirtaimseartha ar chonradh phainéil a bheidh i gceist agus beidh an té seo lonnaithe sa Cheannáras i mBaile na hAbhann i nGaeltacht na Gaillimhe.
Ról ilghnéitheach atá anseo, ag cur sceideal TG4 i láthair an phobail féachana, ar an teilifís agus ar na meáin shóisialta. Is deis iontach í seo do dhuine ar bith atá ag iarraidh coiscéim a ghlacadh ar dhréimire na hoibre in earnáil na meán.
Is iomaí láithreoir aitheanta a thosaigh amach ar phainéal láithreoirí leanúnachais TG4: Aoife Ní Thuairisg, Síle Seoige, Dáithí Ó Sé agus Páidí Ó Lionáird agus mórán eile nach iad.
Tugann na láithreoirí guth agus aitheantas do TG4 i measc an phobail. Beidh an té a cheapfar ag obair mar Láithreoir Leanúnachais & Aimsire agus ar na Meáin Shóisialta.
Beidh an té a roghnófar ag plé le faisnéis aimsire ar na laethantaí a bheidh siad ag obair, ag plé le hábhar clár agus leanúnachas a chur i láthair maraon le obair scripte, ghuthú, agus meáin shóisialta.
Beidh siad freisin ag déanamh ionadaíocht ag ócáidí ó am go chéile.
Ní mhór cumas láithreoireachta, teacht i láthair taitneamhach, urlabhra shoiléir agus ardchumas sa scríobh agus sa chumarsáid a bheith ag iarrthóirí.
Beidh súil go mbeadh Gaeilge den chéad scoth acu, idir labhairt agus scríobh na teanga.
Cuirfear cúrsa oiliúna ar fáil d’iarrthóirí a éiríonn leo áit a bhaint amach ar an ngearrliosta. Beidh an cúrsa sin ar bun ón 16ú – 20ú Feabhra 2026, i gcomhpháirt le Gréasán na Meán.
Tabharfaidh an cúrsa blaise de ghéithe éagsúla den láithreoireacht. As an ngearrliosta sin, roghnófar beirt le tréimhse taithí oibre roinnt seachtainí a dhéanamh.
Má tá Gaeilge den scoth agat agus splanc na láithreoireachta ionat, seo do sheans.
Tá gach eolas ar fáil ar www.tg4.ie/foluntais.
Spriocdháta le hiarratas a dhéanamh: 17ú Eanáir 2026.
Seol mír físe 1’00” ar fhad ag cur síos ort fhéin, mar aon le do CV chuig cv@tg4.ie.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
