Dáta socraithe chun go dtiocfaidh Dlí Dháithí i bhfeidhm

Tiocfaidh Dlí Dháithí i bhfeidhm sa Tuaisceart ar an 1 Meitheamh.

Ainmnithe in ómós don Ghaeilgeoir Dáithí Mac Gabhann, atá sé bliana d’aois, ciallaíonn sé go mbreathnófar ar dhaoine fásta mar dheontóirí orgán mura roghnaíonn siad a n-ainmneacha a bhaint ón liosta, nó mura bhfuil siad i ngrúpa eisiata.

Tar éis moill a bheith uirthi mar gheall ar sáinn pholaitiúil ag Stormont, ritheadh an reachtaíocht ag Westminster an tseachtain seo caite agus inné glac Rí Séarlas III leis.

Tá Dáithí, ó Iarthar Bhéal Feirste, ag fanacht le trasphlandú croí le cúig bliana anuas, tar éis dó a bheith rugadh le riocht a chiallaigh nach raibh ach taobh amháin dá chroí ag obair.

Ag fáiltiú roimh fhógra an lae inniu, dúirt athair Dháithí, Máirtín Mac Gabhann, go raibh siad ‘thar a bheith sásta’ le rath a bhfeachtas.

‘Lá thar a bheith bródúil a bhí ann dár muintir agus dár bhfeachtas chun Dlí Dháithí a áireamh mar leasú ar an mBille um Fhoirmiú Feidhmeannach (the Executive Formation Bill,’ a dúirt sé.

‘Ba mhór an t-ainm Dáithí a chluinstin arís, agus arís, i dTeach na dTeachtaí (House of Commons)  a stórálfaimid go deo.

‘Cúpla seachtain thar a bheith deacair a bhí ann agus muid ag iarraidh teach ar an áit seo, ach tá lúcháir orainn a bheith anseo anois agus a fheiceáil go mbeidh Dlí Dháithí i bhfeidhm faoi earrach 2023, mar a bhí beartaithe.

‘Leanann Dáithí ag troid gach lá agus é ag fanacht le bronntanas croí nua, agus tá súil againn go gcabhraíonn an t-athrú dlí seo le deonú orgáin a dhéanamh mar ghnáthchleachtas sa tsochaí, mar aon le hoideachas agus breis feasachta.

‘Ní stopfaimid go deo ag scaipeadh na teachtaireachta dearfacha maidir le deonú orgán, mar tá súil againn go sábhálfar lá amháin saol ár Dháithí.’

Áiríodh i mBille Thuaisceart Éireann (Foirmiú Feidhmeannach agus Deonú Orgán agus Fíocháin) foráil a cheadaigh don Roinn Sláinte na rialacháin deiridh a leagan síos ar athruithe deonaithe orgán gan gá le vóta Tionóil.