Tá beirt bhuachaill sna déaga gafa i ndiaidh marú cócaire móréilimh Éireannach, Shaun Brady, i Kansas.
Agus tá Méara na cathrach ar dhuine den iliomad daoine agus grúpaí a thug ómós do Shaun, a d’eagraigh go leor imeachtaí do phobal Éireannach.
Ba as Co Thiobraid Árann (Tipperary) ó dhúchas do Shaun, a bhí 45 bliain d’aois, ach bhog sé go dtí na Stáit Aontaithe i 2013.
Rinne sé bainistíocht ar bhialann Brady & Fox i Kansas ar feadh breis agus deich mbliana tar éis dó dul ar imirce as Éirinn.
‘Ar cheann de na buanna ba mhó a bhí aige ná daoine a thabhairt le chéile lena chuid saothar cócaireachta,’ a dúirt baill de phobal na hÉireann i Kansas.
Dúirt Méara Kansas City Quinton Lucas go raibh sé ‘croíbhriste’ a fháil amach faoi bhás Shaun.
‘Bhuail mé leis, rinne mé gáire leis, níor chuala mé ach beagán dá scéal féin agus dá theaghlach, agus bhí sé spreagtha mar gheall ar an ngnó agus an obair leis an bpobal a rinne sé i Kansas City,’ a dúirt an méara.
Tá na póilíní ag fiosrú an eachtra mar dhúnmharú.
Lámhachadh agus maraíodh Shaun taobh amuigh dá bhialann thart ar 5.20pm, am áitiúil, Dé Céadaoin.
Creidtear go bhfaca sé iarracht carr a ghoid i limistéar páirceála ag East 63rd Street, trasna óna bhialann.
Bhí sé ag tabhairt bruscair ón mbialann go dtí bosca bruscair ar thaobh na sráide nuair a chonaic sé roinnt daoine bailithe timpeall ar an gcarr páirceáilte.
Tar éis dó idirghabháil a dhéanamh, lámhachadh é agus theith cibé duine a mharaigh é.
Bhí Shaun ina chomhúinéir ar Brady & Fox Restaurant & Lounge in éineacht le comhchócaire agus cara Graham Farris.
Bhí sé go rialta ar an stáisiún teilifíse áitiúil FOX4.
Chuir sé bia na hÉireann chun cinn freisin ag an Irish Fest, féile bia ar théama na hÉireann ina ndearna sé taispeántais chócaireachta beo don phobal.
Maireann a bhean chéile, Kate, ar as Wichita di. Bhuail sí leis agus í ag taisteal in Éirinn.
Dúirt pobal Kansas City Irish Fest go bhfuil a gcroí briste go hiomlán tar éis a bháis.
Dúirt siad: ‘Ba é a bhord an áit chruinnithe is fearr le pobal Éireannach i Kansas City mar gheall ar a bhronntanais chócaireachta iontacha agus a dhraíocht Éireannach.
‘Ní hamháin go raibh Shaun mar dhuine mór le rá den Kansas Irish Fest, bhí a bhialann, Brady & Fox, áit ar bhailigh go leor sa phobal Éireannach.
‘Ceann de na bronntanais ba mhó a bhí ag Shaun ná daoine a thabhairt le chéile lena chruthaithe cócaireachta.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
