Tá oifigeach sinsearach in Óglaigh na hÉireann á fhiosrú faoi iompar míchuí líomhnaithe i leith comhghleacaí baineann.
Tá an t-oifigeach ina chomhalta (member) le fada seirbhíse d’Óglaigh na hÉireann agus d’ardaigh sé go dtí post sinsearach trí na céimeanna (ranks).
Bhí ról mór aige i roinnt misean idirnáisiúnta agus bhí ról bainistíochta agus pleanála aige ar thionscadail thar na blianta.
Tá an comhalta baineann d’Óglaigh na hÉireann níos sóisearaí don oifigeach atá i lár an imscrúdaithe.
Tá imscrúdú póilíní míleata seolta tar éis gearán foirmiúil a dhéanamh.
Tuigtear gur shéan an t-oifigeach sinsearach an líomhain go dian. Mar sin féin, baineadh de dhualgais tosaigh (frontline duties) é ar feitheamh thoradh an imscrúdaithe.
Tuigtear gur tharla an eachtra líomhnaithe agus iad ar dualgas thar lear.
Tháinig an bhean chun cinn le míonna beaga anuas agus rinne sí an gearán, agus tar éis measúnú tosaigh cuireadh tús le himscrúdú póilíní míleata.
Tá sé ráite ag an ngrúpa Women of Honour gur cheart go mbeadh an t-imscrúdú cothrom agus go ndéanfadh duine inniúil (competent), neamhchlaonta agus cáilithe é.
Dúirt siad: ‘Níl a leithéid de phróiseas feicthe againn fós.’
Tá an grúpa comhdhéanta de roinnt iarchomhaltaí baineanna d’Óglaigh na hÉireann a ghníomhaigh mar sceithirí (whistleblowers) tar éis bulaíocht agus ciapadh gnéasach (bullied and sexually harassed) a dhéanamh orthu agus iad ar seirbhís in Óglaigh na hÉireann.
Dhiúltaigh siad trácht a dhéanamh ar an eachtra líomhnaithe is deanai.
‘Táimid lánchinnte go mothaíonn daoine i gcoitinne níos compordaí ag teacht chun cinn ach fós tá imní mhór orainn nach bhfuil aon phróiseas cuí ann chun déileáil leis na ceisteanna seo,’ a dúirt urlabhraí.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
