Tá an mí-úsáideoir gnéis agus iar-shiamsóir  teaghlaigh móréilimh Rolf Harris tar éis bháis in aois a 93.

Bhí sé ar an duine is cáiliúla a ciontaíodh tar éis imscrúduithe ag bleachtairí ón aonad um imscrúdú coireachta gnéis, Operation Yewtree.

Ba é an dara duine é a ciontaíodh faoin bhfiosrúchán, a cuireadh ar bun i ndiaidh éilimh mhí-úsáide i gcoinne Jimmy Savile.

Bhí an-tóir ag an láithreoir teilifíse na hAstráile ar feadh na mblianta sular ciontaíodh é as sraith ionsaithe mígheanasacha i mí an Mheithimh 2014.

Ina measc sin bhí ceann ar pháiste a bhí ocht mbliana d'aois, beirt ar chailíní sna déaga luatha agus catalóg de mhí-úsáid ar chara a iníon féin, a bhí os cionn 16 bliana d'aois.

Bhí Harris ina ealaíontóir agus ina cheoltóir a raibh an-tóir air tráth

 Cuirfeadh go príosún é ar feadh cúig bliana agus naoi mí tar éis é a chiontú i 12 ionsaí a tharla idir 1968 agus 1986.

Cuireadh ceann acu ar ceall níos déanaí.

Scaoileadh Harris ar cheadúnas (licence) as príosún i Stafford i Sasana ar an 19 Bealtaine 2017, níos lú ná trí bliana tar éis tosú ar a phianbhreith.

Tar éis é a chiontú baineadh a CBE uaidh. Baineadh onóracha na hAstráile uaidh freisin.

Bronnadh MBE air sa Bhreatain sna 1960í, le OBE deich mbliana ina dhiaidh sin agus CBE i 2006, an bhliain tar éis dó portráid breithlá na Banríona Eilís, nach maireann, a phéinteáil.