Bhí nóiméad míchompordach (awkward moment) ag Uachtarán Joe Biden faoi na Black and Tans, nuair a thaistil sé go Chontae Lú chun eolas a fháil ar a mhuintire.

Shroich an tUachtarán Béal Feirste oíche Dé Máirt, agus tar éis óráid in Ollscoil Uladh inar spreag sé filleadh ar chomhroinnt cumhachta (power sharing), thaistil sé go Baile Átha Cliath áit ar chuir Taoiseach Leo Varadkar fáilte roimhe.

NÍOS MÓ FAOI BIDEN CLIC ANSEO:
Nod ó Biden don DUP le $6 billiún má
dhéantar ‘power sharing’ a athbhunú

Ina dhiaidh sin, mar a bhí tuartha, chuir an bháisteach cosc air taisteal ar héileacaptar go Lú agus mar sin chuaigh sé ar mhótarcáid.

Nuair a labhair sé i dteach tábhairne The Windsor, i nDún Dealgan, áfach, mheasc sé foireann rugbaí All Blacks na Nua-Shéalainne (New Zealand) leis na Black and Tans.

Bhí sé ag bualadh lena chol ceathracha, na Kearneys, na Finnegans agus na McKevitts.

Ag tabhairt ómóis dá chol ceathrair, iar-imreoir rugbaí na hÉireann Rob Kearney, ghabh an tUachtarán Biden buíochas leis as an gcarbhat  a bhí á chaitheamh aige, agus rinne sé tagairt don chluiche cáiliúil a d’imir Éire i Chicago in aghaidh fhoireann na Nua-Shéalainne in 2016.

NÍOS MÓ FAOI BIDEN CLIC ANSEO:
Téann síocháin agus deis eacnamaíoch
le chéile, deir Biden i mBéal Feirste

‘Thug duine de na guys seo dom, díreach anseo,’ dúirt sé.

‘He was a hell of a rugby player. He beat the hell out of the Black and Tans.’

Ina measc siúd a bhuail leis an Uachtarán Biden bhí a 4ú col ceathrar John Owen Finnegan agus an 5ú col ceathrair Andrea McEvitt, ar as Contae Lú an bheirt acu.

Labhair sé freisin leis na mílte daoine a bhailigh sa bháisteach chun beannú dó agus dúirt: ‘Go raibh maith agaibh go léir as fáilte abhaile.’

Ina dhiaidh sin dúirt an tUasal Biden le gáire: ‘Is é an drochscéal ná go mbeimid ar ais. Níl aon bhealach chun sinn a choinneáil amach.’

NÍOS MÓ FAOI BIDEN CLIC ANSEO:
Biden ag teacht: Ag ceiliúradh an tsíocháin
in Éirinn agus a oidhreacht féin

Dúirt sé freisin: ‘Níl a fhios agam cén fáth ar fhág mo shinsir. Tá sé go hálainn anseo.’

I gContae Lú freisin, taispeánadh timpeall Chaisleán Chairlinn é ag an Tánaiste Micheál Martin.

Tugann an caisleán radharc ar Loch Cairlinn, áit ar fhág sin-seanathair an Uasail Biden, Owen Finnegan, trí chalafort an Iúir (Newry Port) le linn an Ghorta Mór in 1849, chun saol nua a fháil sna Stáit Aontaithe.

Agus an tUasal Biden ag siúl timpeall an chaisleáin i measc na báistí, ghlaoigh duine éigin air ag iarraidh air cad a cheap sé faoin aimsir, agus d’fhreagair an t-uachtarán: ‘Tá sé go maith, is in Éirinn atá muid.’