Tá an tAire Oideachais ag ullmhú le fiosrúchán a fhógairt faoi líomhaintí faoi mhí-úsáid ghnéasach stairiúil a chuaigh i bhfeidhm ar chuid de na scoileanna is scothaicme (elite) sa tír.
Déanfar an fiosrúchán ar chuid de na scoileanna atá agus a bhí á reáchtáil ag oird reiligiúnda in Éirinn.
Tá an Rialtas faoi bhrú le fiosrúchán a chur ar bun ó mhí na Samhna nuair a chraol clár Doc on One de chuid RTÉ cuntas beirt deartháireacha a labhair faoi ionsaí gnéis a dhéanamh ar champas Choláiste na Carraige Duibhe (Blackrock College).
Dúirt Micheál Martin, a bhí an Taoiseach ag an am, go mbeadh fiosrúchán poiblí ann, próiseas a bheadh faoi cheannas íospartach.
Tá Coláiste na Carraige Duibhe ar cheann de na scoileanna is mó le rá sa tír agus tá go leor daoine cáiliúla a chuaigh ann.
Tá sé ar cheann de roinnt scoileanna atá á reáchtáil ag an bpobal Spiritan (an ‘Holy Ghost’ roimhe seo).
Faoi lár mhí Feabhra seo caite, bhí 131 teagmháil faighte ag an nGarda Síochána trí Oifig an Aonaid um Bainistíocht Coireachta Gnéis ag Biúró Náisiúnta an Gharda Síochána um Sheirbhísí Cosanta nó ag stáisiúin áitiúla na nGardaí ar fud na tíre.
Dúirt Gardaí gur ó íospartaigh go príomha a tháinig na teagmhálacha ach gur tháinig siad freisin ó dhaoine a chonaic mí-úsáid agus ó dhaoine ar son íospartaigh.
Mí na Samhna seo caite ghabh an Comhphobal Spioradálta a leithscéal le híospartaigh agus bhunaigh siad clár ceartais aisiríoch (restorative justice programme).
Tá an tAire Norma Foley ag tabhairt moltaí maidir le fiosrúchán scóipe faoi bhráid na Comh-Aireachta a bhreathnódh ar an bhfadhb ó thaobh na marthanóirí de.
An mhí seo caite, dúirt an Roinn Oideachais go raibh sé tábhachtach go mbeadh a fhios ag marthanóirí go mbeadh ‘freagra tromchúiseach’ ann, agus go raibh an Rialtas ag breithniú conas is fearr é seo a bhaint amach ‘ag féachaint d’imscrúdú leanúnach na ngardaí agus mianta na marthanóirí’.
Dúirt Micheál Martin, a bhí an Taoiseach ag an am, go mbeadh fiosrúchán poiblí ann, próiseas a bheadh faoi cheannas íospartach.
NÓTA ÓN EAGARTHÓIR: Tá Seachtain na Gaeilge fós ar siúl agus beidh sí go dtí Lá Fhéile Padraig.
Le sin beidh muidne in ExtraG.ie ag ceiliúradh le scéalta faoi na heachtraí atá ar siúl, le Gaeilge simplí do dhaoine atá líofa agus daoine le ‘school Irish’.
Beidh an nuacht is déanaí i nGaeilge simplí ar fáil gach lá ar ExtraG.ie, ní amháin do Sheachtain na Gaeilge, ach amach anseo.
Tá sé ar fáil gach lá, gach áit ar fón, ríomhaire, táibléad agus ‘laptop’.
Bain triall as!
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
