An marú fuatha a bhí ann? ‘Vigils’ i mBaile Átha Cliath agus i mBéal Feirste ar son Brianna

Ghlac na céadta duine páirt in ‘vigils’ i mBaile Átha Cliath agus i mBéal Feirste i gcuimhne ar dhéagóir trasinscneach Brianna Ghey a maraíodh i Sasana.

Fuarthas Brianna, a bhí 16 bliana d’aois, le gortuithe iolracha i bpáirc i Warrington tráthnóna Dé Sathairn.

Fuair ​​sí bás go gairid ina dhiaidh sin.

Tá póilíní ag fiosrú an raibh a bás mar thoradh ar marú  fuatha (hate killing).

Cúisíodh beirt dhéagóir, atá 15 bliain d’aois, buachaill agus cailín, as a dúnmharú líomhnaithe agus cuireadh iad faoi choimeád inné.

briana
Brianna Ghey

Maíonn cairde Bhrianna go raibh bulaíocht á déanamh uirthi ar scoil mar gheall ar, ‘the simple reason of being trans’.

Cúig lá roimh a bás bhí físeán curtha suas ag Brianna ar na meáin shóisialta ag rá go raibh sí ‘eisiata ón scoil’.

Bhailigh daoine ag An Spire ar Shráid Uí Chonaill i mBaile Átha Cliath, agus ag Halla na Cathrach i mBéal Feirste inné, chun ómós a thabhairt don déagóir tragóideach, agus bhí roinnt ‘placards’ á iompar acu, agus iad ag rá ‘Rest in Power’ agus ‘Trans Rights Now’.

I mBaile Átha Cliath, las go leor acu siúd a d’fhreastail ar an ‘vigil’ coinnle agus d’fhág siad ar an gcosán iad os comhair portráid de Bhrianna.

Sa Bhreatain, tá sé ráite ag an Bleachtaire-Cheannfort Mike Evans go bhfuil fiosrúcháin ar siúl maidir le bás Brianna agus go bhfuil na hoifigigh ‘ag déanamh gach rud is féidir linn chun na cúinsí cruinne an méid a tharla a fháil amach.’

‘Ag an tráth seo, níl aon fhianaise ann a thabharfadh le tuiscint go mbaineann na cúinsí a bhain le bás Brianna le fuath,’ a dúirt sé.

‘Tá patróil méadaithe sa cheantar áitiúil agus fanfaidh na hoifigigh i gceantar Culcheth le suaimhneas a thabhairt do na daoine, agus le dul i ngleic le haon imní a d’fhéadfadh a bheith ag cónaitheoirí.’

Comhroinn Anois

You might also like ...

Lean ExtraG.ie

Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.

LÉIGH NÍOS MÓ: NUACHT

no posts found
© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram