Tá sé ráite ag an Aire Airgeadais nua Michael McGrath gur cheart don Stát na mílte árasán a cheannach, siad sin nach raibh na ‘cuckoo funds’ sásta a cheannach.
Dúirt Michael McGrath leis an Irish Daily Mail go gcuirfidh sé airgead ar fáil do scéim chun bloic árasán iomlán a cheannach, a chuirfidh suas le 80,000 teach ar fáil.
Dúirt sé go mbeidh an Rialtas ag díriú ar bhlocanna árasán a cheannach, agus ar tacaíochtaí a thabhairt do thógálaithe chun forbairtí a chur i gcrích.
Agus mar chomhartha teannais a d’fhéadfadh a bheith ann leis an Taoiseach nua Leo Varadkar, ní thacaíonn sé le sosanna cánach d’fhorbróirí.
Deir an tAire Airgeadais go bhféadfaí na milliúin euro breise a chur ar fáil chun bloic árasán iomlána, a bhí curtha in áirithe roimhe seo d’infheisteoirí institiúideacha, a cheannach.
Dúirt sé freisin go mbeidh scéim maoinithe na cathrach, sé sin Croí Cónaithe, atá ann chun cabhrú le forbróirí a bhfuil fadhbanna acu ag críochnú árasáin agus tithe, ar an bpríomhchuid eile de straitéis tithíochta an Rialtais.
Nuair a fiafraíodh de an raibh sé i gceist ag an Stát An Ghniomhairteach Forbartha Talún (Land Development Agency, LDA) a úsáid chun bloic árasán iomlána a cheannach, dúirt an tUasal McGrath: ‘Sea, beidh an Stát tiomanta do cheannach na n-aonad sin do thithíocht shóisialta le haghaidh tithíocht ar cíos ar chostas amháin, agus b’fhéidir inacmhainne, chomh maith.
‘Tá ceadanna pleanála i bhfeidhm againn ar fud na tíre do thart ar 70,000 go 80,000 aonad, agus tá go leor acu le haghaidh árasán. Agus tá sé an-chostasach árasáin a thógáil in Éirinn.’
Is dócha go gcosnóidh an scéim níos mó ná €1 billiún, ach ní fios cé mhéad árasán a n-éireoidh leis an Stát a cheannach. Cuirfear tuilleadh maoinithe ar fáil don LDA má tá sé ag taisteáil, dar leis an Uasal McGrath.
Ní thacaíonn an tUasal McGrath le smaoineamh an Uasail Varadkar sos cánach a thabhairt do thógálaithe.
Dúirt sé: ‘Is limistéar íogair (sensitive area ) é agus níor cheart dúinn a bheith ag tuairimíocht faoi i ndáiríre.’
Dúirt sé freisin: ‘Níl aon phlean againn aon rud eile a dhéanamh faoi ag an bpointe seo.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
