Bhí Love/Hate ar cheann de na seónna ba mhó éileamh ar RTÉ agus chuidigh sé le gairm bheatha Barry Keoghan agus Ruth Negga i measc go leor eile a chur chun cinn.
Ní raibh aon iontas ann mar sin, ach ba mhór an t-ábhar áthais é, nuair a tuairiscíodh go bhfuil an tsraith ag teacht ar ais 11 bhliain tar éis dheireadh na sraithe deiridh.
Ach an é sin atá ag tarlú? Is cosúil go bhfuil roinnt mearbhaill faoi. Seo mar a tharla.
Dúirt John Connors, a bhí i ról Patrick Ward in Love/Hate, le Seó Six O’Clock le déanaí go bhfuil sé ag filleadh.
Dhiúltaigh RTÉ go tapa don nuacht seo, áfach, á rá nach raibh siad á thabhairt ar ais.
Ba chosúil gurbh é sin an freagra deiridh ach níorbh é deireadh an scéil é.
Dúirt John le Brian Dowling agus le Katja Mia: ‘Sea. Tá sé ag teacht ar ais. Beidh siad ag obair níos déanaí i mbliana agus mar sin beidh sé le feiceáil an bhliain seo chugainn.
‘Dáiríre. Ní raibh sé i gceist agam é seo a rá. Ach tá mé dáiríre, lámh ar chroí.
‘Ní féidir liom an plota nó aon rud a nochtadh faoi. Beidh mé ann agus ní féidir liom labhairt faoi aon ainm eile ach tá sé ag dul ar aghaidh arís.’
Beagnach láithreach dúirt RTÉ nach raibh an seó á thabhairt ar ais acu agus dúirt urlabhraí: ‘Níl aon phleananna ann do shraith nua Love/Hate. Is féidir le lucht leanúna féachaint ar na cúig shraith ar fad ar Sheinnteoir RTÉ.’
Tháinig casadh eile ar an scéal ó John. Dúirt sé go bhfuil pleananna do shraith nua ag dul ar aghaidh ach nach mbeidh sé ar RTÉ.
‘Níl sé ar RTÉ, tá sé ar Netflix. Tá siad ag tabhairt ar ais é rud beag cosúil leis an méid a rinne siad le Top Boy,’ a dúirt sé.
Ach níorbh é sin deireadh an scéil.
Tá sé tagtha chun solais go bhfuil Stuart Carolan, a scríobh Love/Hate, ag obair ar shraith nua a bheidh cosúil leis.
Mar sin féin ní Love/Hate a bheidh ann, áfach.
Dúirt foinse leis an Irish Independent go bhfuil seó eile á scríobh ag Carolan atá le seoladh an bhliain seo chugainn.
Dúirt an fhoinse go mbeidh sé ‘cosúil le leanbh grá Love/Hate. Beidh sé ‘high-octane” agus greannmhar, foréigneach agus dian. D’fhéadfadh sé a bheith níos fearr ná Love/Hate.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
