Seans go mbeidh ceannaire Pháirtí an Lucht Oibre ina Aire Dlí agus Cirt nua, má tá siad mar chuid de chomhrialtas nua.
Agus seans go dtairgfear post mar Aire Sláinte don iar-cheannaire Alan Kelly.
Bheadh Fianna Fáil agus Fine Gael, an dá chomhpháirtí comhrialtais, sásta an phunann (portfolio) ríthábhachtach Dlí agus Cirt a thabhairt do Ivana Bacik má aontaíonn ceannaire an Lucht Oibre dul isteach sa chéad rialtas eile, de réir tuairiscí.
In agallamh réamhthoghcháin, dúirt ceannaire Fhianna Fáil Micheál Martin go raibh a pháirtí ag iarraidh Dlí agus Cirt, ionas go mbeadh ‘ár gcathracha sábháilte arís’.
Chonacthas é sin mar cháineadh ar Aire Dlí agus Cirt de chuid Fhine Gael Helen McEntee.
Bhí teannas idir Fianna Fáil agus Fine Gael sna céimeanna tosaigh den fheachtas toghcháin dá bharr.
Agus ansin bhí an TD de chuid Fhianna Fáil, Willie O’Dea, ag cur síos ar Ms McEntee mar an ‘Aire Dlí is Cirt is measa i stair an Stáit’.
Anois, áfach, agus cainteanna comhrialtais ar bun, dúirt foinsí sinsearacha Fhine Gael nach bhfuil siad chun brú go bhfaigheadh siad an Roinn Dlí agus Cirt.
Thug foinsí le fios nach mbeadh aon fhadhb ag Ms McEntee, atá ina leas-cheannaire ar an bpáirtí freisin, aistriú go roinn eile tar éis di tréimhse chrua a bheith aici sa ról le cúig bliana anuas.
Tá sé ráite ag foinsí i bhFianna Fáil agus i bhFine Gael go bhfuil an doras fós oscailte do Pháirtí an Lucht Oibre, a bhuaigh aon suíochán déag, dul isteach i gcomhrialtas.
Dá mbeadh Páirtí an Lucht Oibre ag dul isteach i riarachán Fhianna Fáil-Fine Gael, thug foinsí Comh-aireachta sa dá pháirtí le fios go mbeadh siad sásta an Roinn Dlí agus Cirt a thabhairt do Ms Bacik, agus Alan Kelly, a chuir isteach sa Roinn Sláinte, atá folamh anois tar éis Stephen Donnelly a shuíochán Dála a chailleadh.
Tá cúlra láidir sa dlí ag Ms Bacik. Bhí sí ina hOllamh Reid le Dlí Coiriúil i gColáiste na Tríonóide, Baile Átha Cliath, chomh maith le bheith ina habhcóide acadúil.
Dúirt foinse ó Fhine Gael: ‘Comhréiteach maith a bheadh ann, punann Dlí agus Cirt a thabhairt do Pháirtí an Lucht Oibre.
‘Tá an-mheas ar Ivana i réimse an dlí coiriúil, mar sin tá comharthaí luatha faighte againn gur bhreá léi a bheith ann.’
Dhearbhaigh Aire de chuid Fhianna Fáil freisin go dtairgfí an Roinn Sláinte don Uasal Kelly chun cabhrú leis an Lucht Oibre a mhealladh isteach sa Chomhrialtas.
‘Tá Alan ag argóint faoi Ospidéal na Leanaí agus an tseirbhís sláinte le blianta anuas. Tugaimis seans dó,’ a dúirt siad.
Is é an tUasal Kelly an t-aon TD ag An Lucht Oibre a bhfuil taithí shinsearach sa Chomh-Aireacht aige.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
