Tá níos mó ban ná riamh ag lorg cabhrach le haghaidh andúile cócaon, agus tá méideanna na ndrugaí ar fáil in Éirinn ag na leibhéil is airde riamh.
Lorg breis agus 1,300 bean cóireáil le dul i ngleic lena fadhbanna le cócaon anuraidh, agus an chuid is mó acu sna 30idí luatha, dar le tuarascáil nua ón mBord Taighde Sláinte (Health Research Board).
Is mná iad úsáideoir cócaon amháin as gach cúigear anois, agus tá méadú 388% ar an líon atá ag lorg cabhrach le sé bliana.
As na húsáideoirí cócaon ‘crack’, in ionad an cócaoin púdair, ba mhná iad beagnach leath de na húsáideoirí.
‘Tá an t-ardú ar úsáid cócaon ag athrú an tírdhreacha ó thaobh éileamh ar chóireáil in Éirinn,’ a dúirt an Dr Anne Marie Carew, oifigeach taighde ag an mBord Taighde Sláinte.
‘Is é cócaon an príomhdhruga a bhaineann le beagnach leath de na cásanna nua a chuirtear faoi chóireáil, ach freisin cás amháin as gach trí cinn a théann ar ais chuig cóireáil.
Thug sí foláireamh go bhfuil úsáid an cócaon ag éirí níos coitianta – agus go bhfuil siad ag súil go n-éireoidh an fhadhb in olcas.
‘Tá an fhadhb níos measa ag an bhfíric gurb é an cócaon an dara druga breise is coitianta a mbíonn cóireáil á lorg ag daoine dó in éineacht le druga eile.
‘Léiríonn sé seo go mbeidh méadú ar an ngá atá le cóireáil do chócaon amach anseo.’
Dúirt an Dr Mairéad O’Driscoll, príomhfheidhmeannach an HRB: ‘Is ábhar imní é an méadú mór ar chásanna cócaon i measc na mban, agus leagann sé béim ar an ngá atá ag méadú le bearta coiscthe (prevention measures), go háirithe maidir le cócaon ‘crack’.
‘Is mó an seans go mbeidh leanaí atá ag brath orthu ag mná atá ag dul isteach i gcóireáil drugaí.
‘Cabhróidh tuiscint ar na saincheisteanna casta atá rompu chun na seirbhísí a theastaíonn uathu chun aghaidh a thabhairt ar a gcásanna sonracha a shainaithint.’
Dúirt sí go bhfuil an líon ard cócaon in Éirinn freagrach go páirteach as an méadú ar líon na mban a ghlacann an druga.
Tugadh le fios sa tuarascáil go raibh 13,104 cás d’úsáid drugaí le fadhbanna anuraidh, agus gur mná iad duine as gach triúr a chuaigh isteach i gcóireáil.
Ba é an cócaon an druga is coitianta a tuairiscíodh, arbh ionann é agus cás amháin as gach trí cinn, agus don chuid is mó de chásanna is daoine idir 20 agus 39 bliain d’aois a bhí ann, ina dhiaidh sin bhí ‘opioids’ (hearóin go príomha), cannabas agus ‘benzodiazepines’.
Idir 2017 agus 2023 bhí méadú 388% ar méid na mban a bhí ag lorg cóireáil drugaí le haghaidh cócaon, ó 284 cás in 2017 go 1,387 cás in 2023.
Dúirt an tOllamh Colin O’Gara, ceannaire seirbhísí andúile in Ospidéal Naomh Eoin Dé (St John of God’s) i ndeisceart Bhaile Átha Cliath, nach ‘iontas ar bith’ é an méadú mór ar líon na mban atá ag lorg cabhrach le haghaidh andúile cócaon.
‘Tá i bhfad níos mó ban ag dul faoi chóireáil mar tá amhras orm gur scála den fhadhb iomlán é,’ a dúirt sé, dar leis an Irish Daily Mail.
‘Bhí mí-úsáid cócaon ina fhadhb i gcónaí d’fhir go príomha, ach anois tá an druga seo chomh forleathan go bhfuil cuid mhór de na mná ag baint úsáide as freisin.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
