Fuair beirt fhear bás agus iad ag glacadh páirte i dtrí-atlan Ironman in Eochaill (Youghal) i gCorcaigh agus tá siad ainmnithe go háitiúil.
Bhí an bheirt fhear ag glacadh páirte sa snámh nuair a bhí deacrachtaí acu.
Tá na fir a fuair bás ainmnithe go háitiúil mar Brendan Wall (44), ar as an Mhí ó dhúchas ach atá ag obair agus ina chónaí le blianta beaga anuas i Solihull sa Bhreatain, agus Ivan Chittendon (65), ar as Toronto i gCeanada é.
Bhain na seirbhísí éigeandála an bheirt fhear as an uisce. D’fhógair pearsanra leighis go raibh siad marbh ag an láthair.
Tuigtear go raibh éigeandáil leighis (medical emergency) ag duine díreach mar a bhí an ócáid snámha ar tí tosú go luath maidin Dé Domhnaigh.
Fuarthas amach ina dhiaidh sin nach raibh an dara lúthchleasaí ag freagairt. Bhí sé ar bhealach an chúrsa.
Tá cás amháin á fhiosrú mar stad cairdiach fhéideartha (possible cardiac arrest) agus tá an dara ceann á scrúdú mar bháite (drowning) a d’fhéadfadh a bheith nasctha le héigeandáil leighis.
Tugadh cúnamh leighis éigeandála don bheirt ag láithreacha ar leith ach, in ainneoin iarrachtaí éadóchasach paraimhíochaineoirí (desperate efforts of paramedics) agus dochtúirí áitiúla, fógraíodh go raibh an bheirt fhear marbh tamall gairid ina dhiaidh sin.
Coinníodh an bheirt ag saoráid shealadach (temporary facility) in Eochaill sular aistríodh iad go hOspidéal Ollscoile Chorcaí (CUH).
Tá Oifig an Phaiteolaí Stáit (State Pathologist) curtha ar an eolas.
Déanfar scrúduithe iarbháis iomlána Dé Luain.
Tá an dá theagmhas á láimhseáil ag gardaí mar thragóidí a d’fhéadfadh a bheith bainteach le saincheisteanna leighis.
Bhí an bheirt fhear i measc os cionn 2,000 lúthchleasaí a chuaigh ar an uisce ag Front Strand Eochaill ag 7am chun an Ironman a dhéanamh.
Bhí an rás seasmhachta, a fheiceann rannpháirtithe ag snámh 3.8km, ag rothaíocht 180km, agus ag rith maratón (42km), le bheith ar siúl Dé Sathairn (19 Lúnasa), ach cuireadh siar go dtí Dé Domhnaigh é mar gheall ar na droch-choinníollacha aimsire de bharr Storm Betty.
Giorraíodh an chuid snámha den rás, nuair a tharla an eachtra ar maidin, ó 3.8km go 1.7km chun tosaigh ar an rás, de réir tuairiscí.
Dheimhnigh ráiteas ó Ironman Ireland gur bhog siad tús an rása go maidin Dé Domhnaigh seachas Dé Sathairn mar gheall ar an aimsir, ag gabháil buíochais do Chomhairle Contae Chorcaí ar a suíomh idirlín as ‘obair gan staonadh’ chun smionagar a ghlanadh roimh an rás.
Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
