Mar gheall ar athruithe ar an Acht Teanga tá súil ag an tAire Patrick O’Donovan go bhfuil beocht nua faoin nGaeilge le cloisteáil, as a dtagann suim athnuaite (renewed) inár dteanga dhúchais i measc an phobail.
Agus mar fhreagra air sin tá gealltanas nua tugtha ag an Aire Sóisearach atá freagrach as na réimsí Gaeltachta agus na Gaeilge don Ghaeilge.
Ag labhairt dó le Blas na Cathrach ar Raidió na Life 106.4FM, stáisiún raidió do phobal na Gaeilge i mBaile Átha Cliath, dúirt an tAire O’Donovan: ‘Níl aon amhras ach go bhfuil athbheochan na Gaeilge ar shúil faoi láthair, imeasc na daoine óga go háirithe.
‘Tá níos mó ná 150,000 duine le Gaeilge i limistéar cathair Bhaile Átha Cliath, agus 430,000 duine san contae iomlán. Anuas ar sin is í Bhaile Átha Cliath an triú contae is aired ó thaobh céatadán cainteoirí Gaeilge sa tír.’
Ceann de na rudaí a rinne an tAcht ná a áiteamh go gcaithfidh ranna agus comhlachtaí Stáit cuid dá mbuiséad fógraíochta a chaitheamh ar fhógraí Gaeilge agus ar fhógraí go sonrach sna meáin Ghaeilge.
Mar gheall air sin tá níos mó comhlachtaí príobháideacha meán, náisiúnta agus idirnáisiúnta, toilteanach anois infheistíocht a dhéanamh san iriseoireacht Ghaeilge.
Ag labhairt dó faoi chúrsaí fógraíochta dúirt an tAire: ‘Tá dualgas ann anois ag comhlachtaí poiblí 20% dá bhfógraíocht bhliaintúil ar a laghad, a dhéanamh trí Gaeilge; agus 5% dá mbuiséad bliantúil fhógraíocht a chaitheamh ar fhógraíocht trí Gaeilge sna meáin Gaeilge.
‘Agus creidim féin go bhfuil toradh an-dearfach ar sin, agus go bhfuil an dualgas seo ag cuir beocht ar leith sa Ghaeilge.’
Thug sé gealltanas freisin go gcuirfidh an Rialtas feabhas ar sheirbhísí i nGaeilge.
Le sin, dúirt sé go bhfuil cuir i bhfeidhm Acht na Teanga lárnach den obair atá ar siúl aige agus ag an Roinn.
‘Beidh muid ag cuir leis a soláthair seirbhisí do phobal na Gaeilge agus á feabhsú,’ dúirt sé.
Dúirt sé go bhfuil súil aige bogadh ar aghaidh le feabhsúcháin ar chaighdeán na Gaeilge sna seirbhísí poiblí.
Tá súil aige é sin a fhoilsiú i mbliana.
‘Tá conradh bronnta ar Ollscoil na Gaillimhe chun taighde cuimsitheacht a dhéanamh mar bhunús do fhorbair plean naisiúnta um sholátair seirbhísí poiblí trí mheáin na Gaeilge.
‘Agus nuair a fhoilseofar an plean socrófar dáta do sholáthar seirbhísí poiblí Gaeilge trí mheán na Gaeilge, rud atá á éileamh ag pobal na Gaeilge le blianta fada.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
