Tá rabhadh eisithe ag Banc na hÉireann dá chustaiméirí faoi scam dolaí mótarbhealaigh (motorway tolls). Deirtear le tiománaithe go bhfuil ‘táillí’ le híoc acu ó chomhlacht dola, nó go bhfuil ‘an spriocdháta’ chun táillí a íoc thart.
Iarrtar orthu ansin cliceáil ar nasc, áit ar féidir faisnéis cárta creidmheasa a ghoid.
I ráiteas a eisíodh inniu, thug Banc na hÉireann rabhadh dá gcuid custaiméirí maidir le méadú ar théacsanna scam.
NÍOS MÓ LE LÉAMH CLIC ANSEO:
Women of Honour ag cailleadh muiníne
san Aire Cosanta Micheál Martin
D’iarr siad ar thiománaithe a bheith an-aireach Deireadh Seachtaine na Cásca seo, mar go mbeidh go leor ag taisteal ar mhótarbhealaí.
‘Is gnách go dtagann ionsaithe mar seo ina dtonnta, agus is é an téama is déanaí ná calaois (fraud) mhótarbhealaigh, áit a bhfuil calaoiseoirí ag seoladh téacsanna bréige a deirtear go bhfuil siad ó oibreoirí ar nós eFlow,’ a dúirt Ceann Calaoise (Head of Fraud) Bhanc na hÉireann Nicola Sadlier.
‘Nuair a chliceálann tú ar an téacs tagann suíomh Gréasáin bréige as a leanann roinnt daoine ag soláthar a gcárta rúnda agus sonraí cuntas bainc.’
Dúirt sí: ‘San am atá thart tá tonnta cosúla de theachtaireachtaí calaoiseacha feicthe againn ó sheirbhísí seachadta (delivery), ó ghníomhaireachtaí Rialtais nó ó bhainc. Is cosúil anois go bhfuil an smál ar mhótarbhealaí ag dul i méid.
‘Ba cheart caitheamh le teachtaireachtaí téacs go fíorchúramach. Is é an riail ghinearálta ná bí amhrasach, fíoraigh i gcónaí.’
NÍOS MÓ LE LÉAMH CLIC ANSEO:
Rabhadh faoi seacláid! Agus níl san ‘Easter Egg’
ach bia amháin atá ‘toxic’ do mhadraí um Cháisc
Thug Banc na hÉireann liosta comhairle freisin do dhaoine chun dul i ngleic le téacsanna, lena n-áirítear:
• Ná cliceáil ar naisc agus ná freagair do theachtaireachtaí téacs SMS a bhfuil an chuma orthu gur ó oibreoir dola mótarbhealaigh iad.
• Ní sheolfaidh cuideachtaí ná gníomhaireachtaí Rialtais téacs choíche ag nascadh le suíomh Gréasáin a iarrann sonraí baincéireachta ar líne.
• Mhol eFlow d’aon duine a fhaigheann teachtaireacht téacs maidir le dolaí neamhíoctha neamhaird a dhéanamh den teachtaireacht agus gan naisc ar bith a oscailt. Ní iarrann eFlow ar chustaiméirí naisc ar bith a oscailt chun sonraí íocaíochta a dhearbhú.
• Deimhnigh cé hiad an tseoltóra. Cuir glaoch ar an gcuideachta ag baint úsáide as a n-uimhir theileafóin ceart.
• Má fhaigheann tú téacs amhrasach, cuir ‘screenshot’ den téacs ar ríomhphost chuig 365Security@boi.com agus scrios an téacs ansin.
• Ba chóir do chustaiméirí Bhanc na hÉireann a cheapann gur thug siad a gcuid sonraí bainc glaoch ar an ‘Freephone’ 24/7 láithreach 1800 946 764.
Dhearbhaigh eFlow, an chuideachta a bhfuil na scamadóirí ag ligean orthu go mbaineann siad leo, freisin go bhfuil na teachtaireachtaí téacs calaoiseach.
NÍOS MÓ LE LÉAMH CLIC ANSEO:
Leabhar oideachas gnéis á bhaint
as acmhainn teagaisc daltaí
Dúirt siad nach n-iarrfaidh an chuideachta ar thiománaithe nasc a oscailt trí theachtaireacht téacs.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
