Cuireann marú Michaela Harte isteach go fóill ar John McAreavey. Ceapann sé go bhféadfadh rud a rinne sé a bheith ina chúis leis gan chuimhneamh (inadvertently).

Labhraíonn sé faoina imní sin i sraith teilifíse nua a fhiosraíonn bás Michaela in 2011.

Murder in Paradise, a thugtar ar an tsraith atá I dtrí pháirt, arna léiriú ag BBC Northern Ireland.

NÍOS MÓ LE LÉAMH CLIC ANSEO:
Léiríonn teaghlach McAreavey a n-áthas
agus iad ag ceiliúradh baisteadh a n-iníne

Labhróidh McAreavey faoin lá crua a d’athraigh a shaol go deo.

Cuimhníonn sé ar a bpósadh, agus ar mhí na meala (honeymoon). Fiú tosaíonn sé ag ceistiú cuid dá chinntí, ag fiafraí an bhfuil seans go raibh siad freagrach as bás Michaela.

Bhí John pósta ar Michaela, 27, ar feadh níos lú ná coicís nuair a dúnmharaíodh an múinteoir scoile ina seomra óstáin le linn mhí na meala a bhí ag an lánúin i Mauritius.

Nuair a tháinig sé go dtí an t-óstán dúirt John go raibh an-tóir ar an óstán áirithe seo ag lucht mí na meala in Éirinn.

‘Is dócha go raibh leibhéal na slándála ann,’ a dúirt sé.

Mar a dhéanann go leor lánúineacha, nuair a théann siad ar mhí na meala, labhair John faoin gcaoi ar iarr sé uasghrádú (upgrade) nuair a tháinig siad, rud a fuair se.

NÍOS MÓ LE LÉAMH CLIC ANSEO:
Dollyday ag teacht! Cé mhéad Dollys a
d’fhéadfá a chur isteach in aon bhaile amháin i gCiarraí

Ag smaoineamh siar air, deir sé: ‘Is minic a d’fhiafraigh mé mura mbeadh sin iarrtha agam, an mbeimis i seomra eile, agus nach bhféadfadh rud mar sin tarlú. Cé atá a fhios, cé atá a fhios.’

Ionsaíodh an múinteoir as Contae Thír Eoghain, a phós Seán deich lá roimhe sin, tar éis di filleadh ar an seomra ina haonar agus buirgléireacht a chur as a riocht.

Ba iníon í Michaela freisin do Mickey Harte, a bhí ina bainisteoir ar fhoireann peile CLG Thír Eoghain ag an am.

Cé nach bhfuil Harte, atá anois ina bhainisteoir ar fhoireann Chontae Lú, le feiceáil sa chlár faisnéise, labhraíonn deartháir Michaela, Mark, ar son an teaghlaigh.

Luann sé cé chomh gar agus a bhí an teaghlach agus gur fíor ‘daddy’s girl’ a bhí in Michaela.

Go dtí seo níl aon duine ciontaithe as Michaela a mharú.

NÍOS MÓ LE LÉAMH CLIC ANSEO:
Harry Potter ag teacht ar ais, an uair seo ar an teilifís

Éigiontaíodh (acquitted) Sandip Moneea agus Avinash Treebhoowoon, a bhí ag obair san óstán ag an am agus a cúisíodh as a bheith páirteach sa choir, in 2012.

I mí Lúnasa 2020 chinn an Phríomh-Roinn Imscrúdú Coiriúil (Central Criminal Investigation Department) i Oileán Mhuirís an cás a athoscailt.

• Taispeánfar an clár faisnéise ar Luan Cásca, 10 Aibreán 10, ar BBC One Northern Ireland, ag 10.40pm