An Éireannach a bhí ar an eitilt a bhí i dtimpiste i Neipeal ainmnithe

Tá an t-Éireannach a bhí ar an eitilt a bhí i dtimpiste i Neipeal, ina bhfuair ar a laghad 68 duine bás, ainmnithe.
Ainmníodh Ruan Calum Crighton, a bhí ag taisteal ar phas Éireannach, ar liosta na bpaisinéirí.

Níl mórán dóchais ann go bhfaighidh na tarrthóirí (rescuers) aon duine beo sa timpiste eitleáin i Neipeal in a raibh an Éireannach amháin agus beirt naíonán.

Níl na póilíní ag súil le teacht ar aon duine a dúirt siad inniu tar éis don chuardaigh tosú arís.

Fuair ar a laghad 68 duine bás i dtimpiste na heitilte ó Kathmandu go baile turasóireachta Pokhara. Bhuail an t-eitleán isteach sa talamh agus chuaigh sé trí thine maidin Dé Domhnaigh.

Léiríonn píosaí scannáin ó fón póca eitilt na Yeti Airlines ag casadh go géar agus í ag druidim leis an aerfort. Bhuail sé ar an talamh i ‘gorge’ an Abhainn Seti, díreach os cionn ciliméadar ón aerfort.

Níl sé soiléir fós cad ba chúis leis an timpiste. Bhí 72 paisinéir agus criú ar bord na heitilte. Ar maidin an Luain thosaigh 300 tarrthálaí ag cuardach an raic (wreckage) aris.

Bhí an t-eitleán, ar eitilt sceidealta ó Kathmandu go Pokhara, i sliabhraon Annapurna, ag iompar 57 Neipealais, cúigear Indiach, ceathrar Rúiseach, beirt Cóiréach Theas, agus duine amháin an ceann ón Airgintín, Éire, an Astráil agus an Fhrainc.

Tá 63 corp faighte ag lucht tarrthála agus iad a sheoladh chuig ospidéal agus ar maidin Dé Luain dúirt urlabhraí póilíní: ‘Tógfaimid amach cúig chorp eile a d’aimsigh muid ón Gorge agus déanfaimid cuardach ar an gceathrar eile atá fós ar iarraidh.’

Tá sé ráite ag an Roinn Gnóthaí Eachtracha (Department of Foreign Affairs) go bhfuil siad ‘ar an eolas faoi thuairiscí faoi rannpháirtíocht saoránach Éireannach i dtimpiste eitleáin i Neipeal, agus go bhfuil siad réidh chun cúnamh consalachta a sholáthar má iarrtar sin orthu’.

Ba í an blagálaí taistil Moscó Elena Banduro, a bhí 33 bliain d’aois, an chéad duine a fuair bás a ainmníodh.

Rinne sí postáil faoina turas is déanaí á thaispeáint ar eitleán leis an teachtaireacht i mBéarla: ‘Go to Nepal’. D’oibrigh Banduro mar bhainisteoir meán sóisialta agus thaistil sí go forleathan.

Fuair ​​triúr Rúiseach eile bás ar an eitilt. Ainmníodh iad mar Viktoria Altunina, Yuri Lugin agus Viktor Lagin.

Aithníodh an cúigear Indiach a fuair bás mar Abhisekh Kushwaha, 25, Bishal Sharma, 22, Anil Kumar Rajbhar, 27, Sonu Jaiswal, 35, agus Sanjaya Jaiswa.

Is cosúil go dtaispeánann físeán a roinntear trí shruth beo Facebook, ar phostáil Jaiswal, na soicindí roimh an timpiste ón taobh istigh den eitleán.

Tá lógó Yeti Airlines le feiceáil thar a ghualainn agus amach ón bhfuinneog is féidir cúirteanna leadóige Pokhara a fheiceáil. Croith an fón agus ansin téann sé dubh sula bhfeictear balla lasracha (wall of flames).