Tá Neale Richmond, TD de chuid Fhine Gael, le teacht in ionad Damien English mar Aire Stáit le freagracht as Gnóthaí Fostaíochta agus Miondíola.
Is TD do Bhaile Átha Cliath, Ráth an Dúin, é an tUasal Richmond.
D’éirigh an tUasal English as post maidin inné tar éis gur tugadh le fios gur chuir sé Comhairle Contae na Mí amú mar gheall ar cheist pleanála.
Ag labhairt dó i ndiaidh chinneadh na Comh-Aireachta, dúirt an Taoiseach Leo Varadkar gur ‘polaiteoir agus parlaiminteoir thar a bheith cumasach é an tUasal Richmond’, agus go bhfuil ‘téarma iomlán sa Seanad’ curtha isteach aige cé go bhfuil sé ina TD céaduaire.
D’oibrigh an tUasal Richmond ‘go dlúth le tionscal na hÉireann chun ullmhú do Brexit agus chun déileáil lena thionchar ar soláthair earraí’, a dúirt an tUasal Varadkar.
Tá sé ina ionadaí tábhachtach don pháirtí agus bhí sé le feiceáil go minic ar chraoltóirí idirnáisiúnta chun Brexit agus Éire aontaithe a phlé.
Sular tháinig sé ina ionadaí tofa, d’oibrigh an tUasal Richmond mar Bhainisteoir Tionscadal do Ghluaiseacht na hEorpa Éireann, agus bhí poist aige san Oireachtas agus i bParlaimint na hEorpa araon.
D’éirí iar-Aire Stáit sa Roinn Fiontar, Trádála agus Fostaíochta Damien English as mar gur theip air leas maoine (property interest) a fhógairt i gceart.
Theip air a chur in iúl do Chomhairle Contae na Mí faoi úinéireacht tí in 2008.
Chuir sé a chinneadh in iúl don Taoiseach oíche Dé Céadaoin, tar éis tuairiscí ar shuíomh gréasáin The Ditch.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
