Táthar ag iarraidh ar dhochtúirí teaghlaigh síneadh a chur lena n-uaireanta oscailte agus oscailt ar an Satharn mar gheall ar ‘ardú suntasach’ ar an éileamh.
Tagann an t-éileamh agus an córas sláinte náisiúnta ag dul i ngleic le tonn de víris geimhridh.
D’iarr an HSE agus an Irish Medical Organisation (IMO) ar dhochtúirí teaghlaigh síneadh a chur lena n-uaireanta oscailte thar na ceithre seachtaine amach romhainn, mar gheall ar ardú i gcásanna víreas riospráide in ospidéil, mar an Covid-19 agus an fliú.
Mar sin féin, deir roinnt dochtúirí teaghlaigh go bhfuil siad ‘ró-oibrithe agus gann-acmhainní’ cheana féin gan glacadh le huaireanta breise.
Tagann sé seo agus ospidéil ag déileáil le borradh in othair le Covid-19, mar go raibh 703 duine leis an ngalar san ospidéal maidin inné, suas ó 624 Dé Máirt an tseachtain seo caite. Bhí 32 othar Covid in aonaid ICU freisin.
Léiríonn na sonraí is déanaí atá ar fáil ón Lárionad Faire um Chosaint Sláinte (Health Protection Surveillance Centre, HPSC) freisin, sa tseachtain dar críoch 17 Nollaig, go raibh 1,174 cás den fhliú. Tá sé seo suas ó na 670 cás sa tseachtain dar críoch 10 Nollaig.
I gcomhlitir leis an HSE, a seoladh chuig Dochtúirí Teaghlaigh, dúirt an IMO gur ba chóir do dhochtúirí teaghlaigh atá in ann, sealanna laethúla níos faide a oibriú agus ar an Satharn ar feadh na gceithre seachtaine amach romhainn chun déileáil leis an ardú ar an bhfliú, Covid-19 agus tinnis riospráide eile.
Is iad na huaireanta sínte molta ná ó 5pm go 7pm ar thrí lá seachtaine agus ó 9am go 1pm ar an Satharn.
Dúirt an Dr Denis McCauley, cathaoirleach Choiste Dochtúirí Teaghlaigh an IMO, gur bearta sealadacha iad seo agus nach bhfuil ‘aon oibleagáid’ ar Dhochtúirí Teaghlaigh síneadh a chur lena n-uaireanta oscailte.
‘Tá sraith de bhearta sealadacha aontaithe ag an IMO le an HSE chun tacú le Dochtúirí Teaghlaigh a d’fhéadfadh a bheith in ann síneadh a chur le clinicí i rith mhí Eanáir i bhfianaise borradh an fhliú, an chovid agus tinnis riospráide eile,’ a dúirt sé.
‘Tá GPanna agus a bhfoirne faoi bhrú ollmhór faoi láthair agus tá sé seo amhlaidh le roinnt seachtainí anuas anois, agus mar sin níl aon dualgas ar Dhochtúirí Teaghlaigh tabhairt faoi aon chlinicí breise nó sínte.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
