Bí cúramach amuigh ansin! Sin an teachtaireacht inniu ón Údarás um Shábháilteacht ar Bhóithre (Road Safety Authority – RSA) do dhaoine amuigh ag tiomáint, ag rothaíocht agus ag siúl, leis an teocht ag titim go dtí -C.
Mhol siad do gach duine ullmhú le haghaidh coinníollacha guaiseacha (hazardous conditions) mar ceaptar go mbeidh oighear dubh, sneachta, ceo agus sioc ag teacht sna laethanta amach romhainn.
Tabharfaidh mais aeir Artach an aimsir is fuaire ón am a bhí Stoirm Emma anseo, breis agus ceithre bliana ó shin. Agus le sin beidh laghdú ar teochtaí i rith an lae, thart ar an reophointe, agus beidh teochtaí oíche chomh híseal le -6C, agus fiú níos fuaire in áiteanna áitithe.
Dúirt Met Éireann freisin go mbeidh ‘coinníollacha guaiseacha’ ann le sioc agus oighear géar ar na bóithre. Agus go dtitfidh teocht go ginearálta.
Tá Stádas Buí ar siúl ó 10pm oíche Déardaoin go dtí 10am maidin Dé hAoine.
Mairfidh ceathanna geimhridh go dtí Dé hAoine, ach bheidh siad in aice le cóstaí go háirithe in iarthar na tíre. Mar sin féin, fanfaidh an chuid is mó d’Éirinn tirim go leor.
Ag plé oíche Dé hAoine, scríobh siad: ‘Táthar ag súil le sioc forleathan le meascán de scamaill agus tréimhsí soiléire de réir mar a thiteann an teocht is ísle go dtí idir -3 agus -1 céim go ginearálta. Leanfaidh ceathanna geimhridh cois cósta in aice le cóstaí an iarthair.
‘Cé nach féidir cith nó dhó geimhridh a chur as an áireamh in aon áit eile, oíche thirim a bheidh ann den chuid is mó. Forbróidh ceo, nó ceo an-fhuair de réir mar a théann an oíche ar aghaidh, ag éirí sách dlúth tríd an lár tíre go maidin.’
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
