Táthar ag súil go nglacfar le dlí nua chun cosc a chur ar dhíolachán toitíní leictreonacha (e-cigarettes) le daoine faoi bhun 18 mbliana d’aois, faoi mhí Iúil.
Tabharfaidh an tAire Sláinte Stephen Donnelly an Bille Críochnaithe maidir le cosc a chur ar dhíolachán toitíní leictreonacha le daoine faoi 18 faoi bhráid na Comhaireachta (Cabinet) Dé Máirt.
Tá roinnt beart sa Bhille chomh maith le cosc a chur ar dhíolachán toitíní leictreonacha, ar a dtugtar vapes freisin, dóibh siúd atá faoi bhun 18 mbliana d’aois.
Ina measc seo tá srian a chur ar an gcineál miondíoltóirí (retailers) atá in ann táirgí ionanálaithe nicotín (nicotine inhaling products) a dhíol agus srian a chur le fógraíocht faoi toitíní leictreonacha in aice le scoileanna agus áiteanna eile a mbíonn daoine fásta óga agus leanaí ag freastal orthu.
Beidh cosc freisin ar fhógraí do toitín leictreonach ar iompar poiblí.
Léiríonn suirbhéanna a foilsíodh le déanaí ar leanaí in aois scoile na hÉireann go n-úsáideann 9% de leanaí idir 12 agus 17 mbliana d’aois agus 15.5% de dhaoine idir 15 agus 16 bliana d’aois toitíní leictreonacha.
Fuarthas amach in athbhreithniú a rinne an Bord Taighde Sláinte (Health Research Board) go raibh cúig huaire níos mó seans ann go dtosóidh leanaí a úsáideann toitíní leictreonacha ag caitheamh tobac.
Tá thart ar 16,000 blas éagsúil ar toitíní leictreonacha – lena n-áirítear bubblegum agus gummy bears – de réir an Eagraíocht Dhomhanda Sláinte (World Health Organisation).
Mhaígh sé go bhfeictear é seo mar bhealach chun daoine óga a mhealladh chuig an nós.
Tá cosc ar dhíolachán toitíní leictreonacha le déagóirí cheana féin i roinnt tíortha Eorpacha.
Inseoidh an tAire do chomhghleacaithe inniu go bhfuil fianaise shoiléir ann go bhféadfadh iarmhairtí fadtéarmacha a bheith ag nicitín ar fhorbairt inchinne ógánaigh.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
