Tá cur síos déanta ag an Aire Sláinte ar na srianta is déanaí ar vapes, atá á thabhairt isteach aige, mar shrianta ‘radacach’.
Labhair sé tar éis don Chomh-Aireacht (Cabinet) tacú le dréacht-reachtaíocht (draft legislation) chun srianta breise a thabhairt isteach ar tháirgí nicitín.
Mar chuid den Bhille um Tháirgí Ionanálú Nicitín (Nicotine Inhaling Products Bill), beidh srian ar díol blasanna a thaitníonn le leanaí.
Beidh cosc freisin ar thaispeántais fhógraíochta san áit ina ndíoltar vapes i siopaí.
Dúirt an tAire Sláinte Stephen Donnelly: ‘Nuair a shiúlann tú isteach i siopa nuachtán nó stáisiún peitril, feiceann tú dathanna geala agus íomhánna de bhlastáin “bubblegum”.
‘Maidir le cosc ar vapes indiúscartha (disposable), tá buntáiste breise ann don chomhshaol.
‘Feicimid na vapes thart ar an talamh.’
Dúirt sé: ‘Leis an mBille a thug mé faoi bhráid na Comh-Aireachta chun cosc a chur ar vapes indiúscartha, tá srian ar bhlastáin ann.
‘Táimid ag bogadh go gnáthphacáistiú agus táimid ag bogadh chun deireadh a chur leis an bhfógraíocht ar dhíolphointe (point of sale)’
Dúirt an tUasal Donnelly gur mhaith leis labhairt leis an Aire Airgeadais Jack Chambers freisin faoi cháin a thabhairt isteach ar tháirgí vapes.
‘Ba mhaith linn a chinntiú go n-oibríonn sé ó thaobh na sláinte poiblí de.’
Dúirt sé: ‘Is é an rud atá ar siúl againn ná cur chuige nua radacach a ghlacadh.
‘Beidh cosc iomlán againn ar vapes indiúscartha. Beidh cosc orainn ar gach blas, seachas ceann amháin.
‘Tá an t-aistriú le feiceáil cheana féin chun cosc a chur ar dhíolacháin vapes do dhaoine faoi bhun 18 mbliana d’aois, agus tá srianta eile maidir le meaisíní díola, siopaí pop-up, agus tá córas ceadúnaithe nua le teacht i bhfeidhm.
‘Idir an tAcht atá rite cheana féin agus an Bille a thug mé faoi bhráid na Comh-Aireachta anois, is gluaiseacht radacach go leor atá ann, ó thaobh na sláinte poiblí de maidir le leanaí a choinneáil sábháilte.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
