Tá roinnt tithe tábhairne in Éirinn ainmnithe i measc an 100 ceann is fearr san Eoraip.
Ar ndóigh, nuair a thagann sé chun tithe tábhairne, déarfadh go leor daoine nach bhfuil dhá theach tábhairne ar bith mar an gcéanna: uaireanta bíonn na difríochtaí íosta, agus uaireanta eile bíonn siad i bhfad níos mó.
Cé go mbíonn na háiteanna is fearr linn féin againn, bíonn sé taitneamhach freisin fáil amach cén ceann a mheastar a bheith ar an ‘gceann is fearr,’ go háirithe má tá turas thar lear á bheartú agat.
Leis sin, tá na 100 teach tábhairne is fearr ar an mór-roinn ainmnithe ag The European Bar Guide, agus tá seacht gceann acu sin suite ar an oileán seo.
Ó Bhaile Átha Cliath go Dhaingean Uí Chúis, tá cuid de na gnáth-áiteanna i measc na seacht dteach tábhairne atá luaite mar na cinn is fearr san Eoraip, lena n-áirítear John Kavanagh (The Gravediggers), a bhí beagnach i measc na deich gcinn is fearr.
Léirigh an grúpa ardmholadh don teach tábhairne sin i nGlas Naíon, ag rá go bhfuil an biorra Guinness is fearr i mBaile Átha Cliath le fáil ann, chomh maith lena chuid stobhaigh agus a mhaisiúchán simplí inmheánach.
Mhaígh an leathanach gur ‘sárshaothar áilleachta staire agus síonchaite é an teach tábhairne, a shúnn isteach na scórtha blianta atá thart, ag dul i snas thar scáileanna éagsúla séipia agus doinn laistigh de spás atá dlúth, príobháideach agus sóisialta ag an am céanna.’
‘Tá sé cosúil le dul isteach i bpictiúr nuair a chaitheann tú am anseo, an dath agus an t-aimsir shuaimhneach ar thráthnóna ciúin chomh mealltach céanna le rithim bheo na hoíche… Tá meas mór ag na daoine áitiúla air, a bhfuil fhios acu go bhfuil siad ina gcónaí in aice le ceann de na tithe tábhairne is fearr san Eoraip.’
Díreach taobh thiar de The Gravediggers tá Dick Mack’s i ndaingean Uí Chúis, a bhí sa 13ú háit. Cuireadh síos air go raibh ‘súgradh agus spraoi iontach ó fhoireann an bharra agus gnéithe ar leith le fáil gach áit, ó na seomraí beaga os comhair a chéile ar dhá thaobh an bharra le fuinneoga seirbhíse, go dtí an gcuntar siopa éadaí agus na seilfeanna bunaidh.’
Ag fanacht sa Ríocht, bhí Tigh Bhric amach sa Bhuailtín sa 31ú háit sa liosta, agus bhí Sin É i gCorcaigh sa 61ú háit. Bhí an teach tábhairne mór-cháiliúil sa phríomhchathair, Grogan’s, sa 65ú háit, agus bhí tithe tábhairne Chorcaí The Oval agus an Hi-B sa 79ú agus san 86ú háit faoi seach.
Na tithe tábhairne in Éirinn a tháinig isteach sa top 100 san Eoraip:
Na 10 dteach tábhairne is fearr san Eoraip, a réir The European Bar Guide:
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
