Deir duine as 12 fear gur mheas siad a gcomhpháirtithe a fhágáil agus iad ag dul tríd an sos míostraithe (menopause), de réir suirbhé nua.
Fuarthas amach freisin go gcreideann beagnach 60% d’fhir na hÉireann go raibh tionchar ag comharthaí sos míostraithe ar a gcaidreamh.
Dúirt beagnach leath acu go raibh tionchar diúltach aige ar a saol gnéis.
Dúirt níos mó ná leath – 56% – de na freagróirí freisin go mbeidís toilteanach dul isteach i gceardlanna nó i gcláir oideachais chun tuiscint níos fearr a fháil ar a gcuid comhpháirtithe.
D’admhaigh 8%, áfach, gur mheas siad fiú a gcaidreamh a fhágáil.
Ghlac beagnach 500 freagróir fireann páirt i staidéar le The Menopause Hub, a bhí ag iarraidh léargas a fháil ar a dtuiscint ar na hairíonna lagaithe (debilitating symptoms) a bhíonn ar go leor mná.
Dúirt ceannasaí clinic The Menopause Hub, Loretta Dignam, go bhfuil na torthaí ‘spreagúil’ ach léiríonn an suirbhé an brú a chuireann sé ar chaidrimh.
Léirigh sé an gá atá le mná labhairt go hoscailte faoin tionchar a bhíonn ag sos míostraithe ar an dlúthchaidreamh.
‘Dúirt beagnach 10% de na fir a ndearnadh suirbhé orthu go raibh siad ag smaoineamh ar an gcaidreamh a fhágáil, mar sin léiríonn sé go bhféadfadh sé a bheith ina thréimhse an-deacair don bheirt,’ a dúirt sí.
‘Deir 80% d’fhir go mothaíonn siad compordach ag caint faoin sos míostraithe agus deir 70% go mbraitheann siad gur féidir leo tacaíocht mhothúchánach a sholáthar, agus mar sin tá freagracht ar mhná cabhair a lorg le fir agus a bheith oscailte faoin gcaoi a mothaíonn siad.’
D’iarr níos mó ná seachtar as gach deichniúr tuilleadh eolais faoin sos míostraithe, agus bhí a bhformhór sásta páirt a ghlacadh sa bhreis oideachais air.
D’aontaigh formhór na ndaoine a ndearnadh suirbhé orthu gur ‘tráth dúshlánach do mhná’ a bhí ann le sos míostraithe agus bhí siad in ann siomptóim amháin ar a laghad a liostú, lena n-áirítear ‘hot flushes’, cailliúint libido agus an-tuirse.
Dúirt Ms Dignam go léiríonn an taighde gur mhaith le fir tuilleadh eolais a fháil faoi shos míostraithe.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
