CLG: Anois beidh ar pháistí íoc isteach i gcluichí sraithe

Tar éis na conspóide faoi GAAGo anuraidh, tá an CLG anois ag gearradh táillí ar pháistí atá ag dul chuig cluichí sraithe sna rannáin níos airde.

Gearrfar praghsanna iontrála do leanaí faoi bhun 16 bliana d’aois i gcluichí sraithe Allianz sna rannáin níos airde an séasúr seo chugainn.

Dúirt an CLG go ngearrfaidh siad €5 ar pháistí atá faoi bhun 16 bliana d’aois atá ag dul go cluichí peile Roinn 1 agus Roinn 2 agus iománaíocht Roinn 1A agus Roinn 1B.

San am a chuaigh thart fuair leanaí cead isteach saor in aisce chuig na cluichí CLG seo, nuair nach raibh suíocháin in áirithe (reserved) i bhfeidhm.

Chomh maith leis sin, de réir na rialacha nua, ní mór na ticéid do leanaí a cheannach ag an am céanna le ticéad do dhaoine fásta.

I ráiteas, luaigh an CLG ‘slua-ríalú (crowd control)’ agus ‘prótacail sláinte agus sábháilteachta (health and safety protocols)’ mar chúis don chinneadh nua seo.

Dúirt an CLG go ndéanfar é seo ‘tar éis dul i gcomhairle lenár gcontaetha agus chun cabhrú le rialú ar chluichí agus prótacail sláinte agus sábháilteachta le haghaidh imeachtaí a mheallann slua mór’.

De réir an CLG: ‘Ní bhainfidh sé le cluichí Roinn 3 agus Roinn 4 sa pheil nó cluichí Roinn 2 agus Roinn 3 san iomáint.

Féadfaidh costas ógánach a bheith i bhfeidhm freisin maidir le heachtraí eile, más gá mar gheall ar thoilleadh (capacity), dúirt siad.

Do na sraitheanna CLG 2025, tá praghsanna iontrála fágtha ag €20 do dhaoine fásta, agus €15 do phinsinéirí agus mic léinn atá ag dul go dtí cluichí peile Roinn 1 agus Roinn 2 agus cluichí iomána Roinn 1A agus Roinn 1B.

€12 (€10 do phinsinéirí/mic léinn) na ticéid do chluichí sraithe íochtair CLG sa pheil agus €10 (€8 do phinsinéirí /mic léinn) san iománaíocht nua Roinn 2, 3 agus 4.

Tá pacáistí ar fáil, le seacht gcluiche de Shraith Pheile Allianz ar phraghas €100, agus €65 ar cheithre chluiche.

Cosnaíonn pacáiste seacht gcluiche do pheil Roinn 3 agus Roinn 4 €70, agus €40 do cheithre chluiche.

I gcluichí Roinn 1A agus Roinn 1B na hiomána, tá €90 ar thicéad do shé chluiche, agus €50 ar thrí chluiche.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil