Tá leithscéal gafa ag comhairleoir ó Fhine Gael tar éis di a mhaíomh go bhfuil ‘eacnamaíocht iomlán na Stáit Aontaithe á rialú ag na Giúdaigh, ag Iosrael’ ag cruinniú comhairle.
Rinneadh an méid seo nuair a vótáil Comhairle Cathrach Bhaile Átha Cliath ar son brú a chur ar an Rialtas earraí a bhaghcat a thagann ó áiteanna a thógtar ó na Palaistínigh.
Cháin comhairleoirí eile a cuid tuairimí agus dúirt go raibh siad ag vótáil chun tacú le muintir na Palaistíne.
Tharraing an Comhairleoir Punam Rane a cuid tuairimí siar.
Labhair sí le linn an díospóireachta de chuid Chomhairle Cathrach Bhaile Átha Cliath Dé Luain.
Agus tharraing sí ar ais iad i bpost ar na meáin shóisialta.
Bhí an chomhairle ag vótáil chun cosc a chur ar allmhairiú earraí agus seirbhísí a tháirgtear i lonnaíochtaí mídhleathacha, lena n-áirítear an Bruach Thiar.
Dúirt an Comhairleoir Rane gur cheart do Mheiriceá seasamh in aghaidh an chogaidh.
Dúirt sí: ‘Ach cé mhéad agaibh a thuiginn go bhfuil geilleagar iomlán na Stát Aontaithe inniu faoi rialú na nGiúdach, ag Iosrael.’
D’iarr an Comhairleoir Conor Reddy, ó People Before Profit, uirthi a cuid tuairimí a tharraingt siar.
Dúirt sé: ‘Sílim go bhfuil sé sin thar a bheith mícheart agus níl sé cabhrach, táimid go léir anseo i ndlúthpháirtíocht leis an bPalaistín.’
D’fhreagair an Comhairleoir Rane: ‘Ní raibh sé i gceist agam pobal ar leith a lua ach tá mé ag rá go bhfuil geilleagar na Stát Aontaithe faoi rialú ag na hIosraeilítigh inniu. Níl sé mícheart. Tá siad ag obair go dian ar a shon.
‘Is é an rud atá á rá agam nach bhfuil ar chumas na Stát Aontaithe seasamh a ghlacadh inniu mar gheall ar a spleáchas airgeadais.’
Tá a cuid tuairimí tarraingthe siar aici ó shin.
Dúirt an Comhairleoir Rane, i bpost ar X, gur tharraing sí a cuid tuairimí ‘go hiomlán’ siar.
Dúirt sí: ‘Bhí sé mícheart agus gabhaim leithscéal iomlán as.’
Dúirt urlabhraí de chuid Fhine Gael go raibh an cheist á cur faoi bhráid ghrúpa smachtaithe (disciplinary)an pháirtí le haghaidh tuilleadh fiosrúcháin.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
