Tá madraí ag éirí an-tinn tar éis siúlóidí. An nimh é nó an víreas é?

Deir úinéirí gur éirigh a gcuid madraí tinn de bharr ‘nimh de shaghas éigin’ tar éis siúlóidí i bpáirceanna éagsúla i mBaile Átha Cliath agus i gCill Mhantáin

Tá tuairiscí roinnte ag úinéirí madraí faoi chásanna de dhrochthinneas i measc a gcuid peataí.

Tharla sé tar éis dóibh cuairt a thabhairt ar pháirceanna i dtuaisceart Chill Mhantáin agus i ndeisceart Bhaile Átha Cliath.

Tuairiscíodh ráig na dtinnis don chéad uair i measc úinéirí madraí i Seangánach (Shanganagh) ag deireadh mhí Iúil, de réir tuairisce san Irish Independent.

Is cosúil, áfach, go bhfuil sé ag scaipeadh go páirceanna agus áiteanna siúil eile ó shin i leith.

Tá an-tóir ar Pháirc Seangánach (Shanganagh Park), i Seanchill (Shankill), deisceart Bhaile Átha Cliath, ag úinéirí madraí i gceantar Bhré i gCill Mhantáin (Wicklow), chomh maith le páirceanna Chábán tSíle (Cabinteely) agus Chill Bheagóige (Kilbogget), chomh maith le ceantair eile i ndeisceart Bhaile Átha Cliath.

Dúirt úinéir madra amháin, ar na meáin shóisialta, go bhfuair a madra tinn sa pháirc.

Agus d’eisigh sí rabhadh do dhaoine eile tar éis dá peata éirí ‘an-tinn mar gheall ar nimh de shaghas éigin’.

Dúirt sí gur thug sí an madra chuig an tréidlia (vet) a dúirt léi gurbh é ‘an ceathrú madra le seachtain anuas a d’fhulaing na hairíonna (symptoms) sin.

D’fhreagair úinéir madra eile gur éirigh a madra go dona tar éis siúl i bpáirc madraí, an uair seo i bpáirc Chábán tSíle in aice láimhe.

Maidir leis na hairíonna, is cosúil gurb é ‘poo dubh agus urlacan (vomiting)’ an comhainmneoir (common denominator).

Thug an Groom Room, atá lonnaithe san Naigín  (Sallynoggin) agus a fhreastalaíonn ar dheisceart Bhaile Átha Cliath, sonraí faoin am ar thit madraí duine dá chliaint tinn, tar éis dó a bheith ag siúl i nDún Laoghaire.

‘Bhí duine de mo chliaint ag siúl a dhá mhadra sa limistéar glas taobh thiar den ché thiar i nDún Laoghaire, in aice leis an bpáirc nua BMX agus scátála,’ a dúirt siad.

‘An mhaidin dár gcionn bhí urlacan ar cheann de na madraí agus bhí sé táimhe (lethargic) go leor gan aon goile (appetite).

‘Tugadh chuig na tréidlianna (vet) é lena sheiceáil agus é a chur abhaile le leigheasanna frith-nausea,’ a dúirt siad.

‘Cúpla uair an chloig ina dhiaidh sin chuaigh sé in olcas agus thosaigh sé ag fuiliú fola óna thóin, agus mar sin tugadh ar ais go dtí na tréidlianna é.

‘Tá amhras ann go bhfuil nimh de shaghas éigin á ionghabháil [an madra] agus is dócha gur sa cheantar a luaigh mé thuas a tharla sé.

‘Bhí mé ag iarraidh an post seo a roinnt chun feasacht a scaipeadh ar shiúlóirí madraí eile, buíochas le Dia tá sé ag tosú ag éirí níos gile anois ach tá an t-ádh air a bheith beo.’

Cé gur chuaigh níos mó úsáideoirí chuig na meáin shóisialta chun imní a ardú faoi ‘nimhiú’ sna páirceanna, dúirt urlabhraí do Chomhairle Contae Dhún Laoghaire-Ráth an Dúin, a dhéanann cothabháil ar na páirceanna a luadh, nár chuir siad aon nimh síos.

‘Níor chuir Comhairle Contae Dhún Laoghaire-Ráth an Dúin nimh nó “treatments” ar bith laistigh dár bpáirceanna,’ a dúirt an t-urlabhraí.

‘Má shainaithnítear láthair ar leith, seiceálann foireann na Comhairle an pháirc le haghaidh fianaise nimhe agus fiosraíonn siad an scéal.’

Mar sin féin, dúirt tréidlia Bré, an Dr Peter Wedderburn: ‘Is é an rud a theastaíonn uathu ná cóireáil a chur ar fáil do “gastroenteritis” géar.

‘Beagnach gach madra a fhaigheann an chóireáil sin, éiríonn siad go hiomlán níos fearr laistigh de dhá nó trí lá. Agus mar sin beag beann ar an gcúis, tá an chóireáil mar an gcéanna.’

Dúirt sé nach dócha go raibh nimh mar chúis leis na tinnis agus go bhféadfadh víreas a bheith mar chúis leis.

Dúirt sé: ‘Bíonn víris ann is cúis le rudaí mar seo, a théann tríd an daonra madraí.

‘Agus toisc go mbíonn madraí amuigh faoin aer níos minicí sa samhradh, feicimid é seo ag tarlú níos minice i rith an tsamhraidh.’

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil