Tá laoch peile Chiarraí, Pat Spillane, ar an bhall is déanaí den bhráithreachas (fraternity) CLG atá ag cáineadh RTÉ as clúdach fairsing a thabhairt ar Euro 2024.
Le sin níl cluichí móra CLG á dtaispeáint ag an craoltóir náisiúnta.
Ní bhíonn eagla ar bith ar Spillane, iar-thráchtaire CLG ar RTÉ, a aigne a nochtadh faoin CLG ná faoi RTÉ – ach an uair seo ní hé an t-aon duine atá ag labhairt amach faoin easpa clúdach ar chluichí CLG.
Ba é iar-réalta iomána Chill Chainnigh Eddie Brennan an chéad duine a tháinig amach chun cáineadh a dhéanamh faoi RTÉ as an 51 cluiche ar fad a thaispeáint beo ón gcomórtas sacair Euro 2024, cluichí atá á dtaispeáint freisin ar ITV agus ar an BBC.
Ciallaíonn sé seo nach bhfuil cluichí áirithe iomána agus peile CLG á dtaispeáint – nó nach bhfuil siad ar fáil ach ar GAAGO, an tseirbhís srutha a mbíonn ar lucht féachana íoc as, agus an brabús ag dul go RTÉ agus CLG.
Agus leanfar leis sin ag an deireadh seachtaine do chluichí ceathrú ceannais peile na hÉireann. Taispeánfar an dá chluiche Dé Domhnaigh ar RTÉ ach is ar GAAGO a bheidh na cluichí ar an Satharn.
Ciallaíonn sé seo nach mbeidh cluiche ceathrú ceannais na hÉireann idir Seaimpíní na hÉireann, Baile Átha Cliath, agus Seaimpíní Chonnacht, Gaillimh, ar RTÉ ag 6.15pm.
Ina áit sin, beidh an lucht féachana in ann féachaint ar an Eilvéis (Switzerland) ag imirt in aghaidh na hIodáile (Italy) ag 5pm, agus an Ghearmáin i gcoinne na Danmhairge ag 8pm.
In iarracht brú a chur ar RTÉ tosú ar an iománaíocht a léiriú ‘i gceart’, dúirt Brennan go bhfuil sé ag iarraidh níos mó béime a fheiceáil ar chluichí CLG.
Dúirt sé: ‘Is ábhar díomá é go gcuirfí ár gcluichí náisiúnta sa dara háit go deo mar gheall ar chomórtas sacair nach bhfuil foireann na hÉireann ag imirt ann fiú, comórtas a bhfuil an chuma air go bhfuil tosaíocht ag ár gcraoltóir náisiúnta dó.
‘Dá mbeadh Éire ag imirt sa Ghearmáin, bheadh sé cothrom go leor, ach níl siad,’ a dúirt sé.
Ag teacht isteach ó thaobh peile de, tá Spillane tar éis cáineadh Brennan a leanúint agus a iar-fhostóirí RTÉ a cháineadh arís.
B’ábhar éagóir d’iar-phundit RTÉ, eagrán de The Saturday Game a bhrú ar ais go dtí beagnach 11pm, chun áit a thabhairt don chluiche idir an Iodáil agus an an Albáin (Albania).
‘Is iontach an smaoineamh é The Saturday Game ar RTÉ,’ a scríobh Spillane ina cholún ar an Sunday World.
‘Dé Sathairn seo caite, léiríodh é ó 10.50pm go dtí meán oíche. Ní fhanfadh ach na “diehards” chomh déanach sin chun féachaint air.
‘Cén fáth? Bhí uair an chloig d’anailís againn tar éis an chluiche neamhtháhachtach idir an Iodáil agus an Albáin (Albania) i Euro 2024. Sin é an fáth…
‘Imríodh an dá chluiche ceathrú ceannais iomána i gCraobh na hÉireann go luath tráthnóna inné (Satharn).
‘Ba é ba chúis leis seo ar dtús ná go raibh conradh ag RTÉ cluiche ceannais rugbaí an URC a thaispeáint.
‘Mar a tharla, taispeánadh cluiche ceannais an URC ar a raibh na Bulls agus Glasgow ar chainéal Nuacht RTÉ, ach bhí an iomáint fós ar leataobh mar go bhfuair Euro 2024 na sliotáin phríomh-ama tráthnóna.’
Imreofar na ceithre chluiche CLG ar fad an deireadh seachtaine seo i bPáirc an Chrócaigh
Dé Sathairn
Baile Áth Cliath v Gaillimh, 6.15pm – GAAGO
Ard Mhacha v Ros Comáin, 4pm – GAAGO
Dé Domhnaigh
Ciarraí v Doire, 3.15pm – RTÉ
Dún na nGall v Lú, 1.15pm – RTÉ
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
