Sa lá atá inniu ann, bíonn mearbhall ar thuismitheoirí de bharr na téarmaíochta aisteach a bhaineann déagóirí úsáid as, cosúil le ‘finsta’, ‘moots’, ‘bussin’, agus ‘drip’.
Ach céard is brí leis an bhfocal ‘Finsta’ agus é á úsáid ag déagóirí?
Is éard atá i gceist leis ná cuntas bréagach Instagram a úsáideann déagóirí chun an dallamullóg a chur ar a dtuismitheoirí.
I measc an bhéarlagair bhacaigh a bhíonn in úsáid ag déagóirí, ní thuigeann 39% de thuismitheoirí ó Gen X an téarma ‘GRWM’ (Get Ready With Me).
Freisin, ní thuigeann 39% de thuismitheoirí an téarma ‘poggers’. Is é sin focal a úsáideann déagóirí le díograis nó bríomhaireacht a chur in iúl.
Chomh maith le sin, ní thuigeann an-chuid tuismitheoirí, sa lá atá inniu ann, frásaí cosúil le ‘OOTD’ (Outfit Of The Day), ‘CL’ (Can’t Lie) agus ‘Clappered’ – is é sin focal a thugann le fios go bhfuil an duine atá ag déanamh teagmháil leat tuirseach traochta.
Dar le suirbhé ó Tesco Mobile, d’admhaigh 27% de dhéagóirí go raibh ‘finsta’ acu – rud a chiallaíonn go bhféadfadh an-chuid tuismitheoirí a bheith aineolach faoin méid atá ar siúl ag na déagóirí ar líne.
Tá an nuathéarmaíocht seo deacair go leor do lucht an Bhéarla mar atá feicthe againn cheana féin – ach caithfidh go bhfuil sé i bhfad níos measa do lucht na Gaeilge.
Ach ná bíodh imní oraibh, seo 20 téarma nua a bhíonn á úsáid ag na déagóirí agus tá ExtraG théis Gaeilge a chur orthu!
1. Instabréag: Cuntas bréagach Instragram nó ‘Finsta’
2. FAL: Feistis an Lae
3. ‘Cuir hata ar do bhata’: Gnéas sábhailte
4. ‘Comh fuar le bod an chapaill’: Préachta leis an bhfuacht
5. Sceitimíní na gKeitimíní: Ar bís 6.
PSL: Preabadh sa Leaba
7. ‘Marbh le tae agus marbh gan é, ach b’fhearr leath-chupán tae ná latte’: Seanfhocal ársa a thugann le fios go bhfuil cupán tae ag teastáil
8. TIMC: Tite i mo chodladh
9. ‘Tá tú ag eascainí os comhair mo focain leaid óg’: Frása breá a thugann le fios go bhfuil duine eile drochbhéasach agus gáirsiúil
10. ABMTAG: Ag Briseadh Mo Thóin Ag Gáire
11. Comh gé le gandal: Breá aerach
12. AGAOA: Ag gáire amach os ard
13. Nábalta: Níl mé ábalta
14. Poncánach: Duine as Meiriceá nó ‘Yank’
15. NASAA: Níl Ach Saol Amháin Agat
16. Bríomharán: Duine a bhíonn sceitimíní agus díograis orthu go minic
17. AMB: A mhaighdean Beannaithe (Cosúil le OMG i mBéarla)
18. DP: Dáiríre píre
19. Fágtha i mo staic ag poitín Leitir Fraic: An-ólta
20. TGBÉ: Tóg go bog é
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
