Ceapadh David Gillick mar an réalta Oilimpeach is nuaí in Éirinn ar bhealach gan choinne.
Tá moladh tuillte ag an iar-lúthchleasaí ó gach cearn den tír, mar gheall ar an láimhseáil tuisceanach a rinne sé ar an díomá a bhí ann do na lúthchleasaithe.
Bhí Gillick ann freisin, ar ndóigh, chun an t-áthas a roinnt, sé sin an t-áthas a bhain leis an iliomad bua a bhí againn, sna Cluichí Oilimpeacha stairiúla seo d’Éirinn.
Agus is é Gillick an duine is fearr don dá phost sin, mar go raibh sé ann é féin.
Rinne sé ionadaíocht d’Éirinn ag Cluichí Oilimpeacha Beijing 2008 agus bhí sé ar an bhfear ba thapúla in Éirinn uair amháin.
Tá sé de chúram ar Gillick na hagallaimh sna Cluichí Oilimpeacha i bPáras a chlúdach do RTÉ, agus tuigeann smaointe na lúthchleasaithe.
Léirigh sé sin nuair a chuir sé agallamh ar Rhasidat Adeleke Dé hAoine.
Tar éis don náisiún a bheith bródúil aisti cheana féin, trí Rhasidat a bheith ar an gcéad iomaitheoir baineann sa rás ráibe (sprint) sna Cluichí Oilimpeacha, tháinig sí an-ghar do bhonn a bhuachan – ach tháinig sí sa cheathrú háit.
Ba léir go raibh an díomá uirthi agus í ag caint faoin rás.
Bhí an chuma ar Rhasidat go raibh deora uirthi nuair a thosaigh a hagallamh le Gillick.
In ainneoin an bhróin a bhí uirthi, áfach, d’éirigh le Gillick í a thabhairt go háit níos fearr lena chuid focal tacaíochta.
‘Is tráth deacair é, ceart go leor, ach tá an oiread sin daoine atá bródúil asat anseo sa staidiam agus sa bhaile,’ a dúirt sé le Rhasidat.
Thug David le fios freisin nach bhfuil sí ach 21 bliain d’aois, nach bhfuil sí ach ag tús a gairme agus gur éacht dochreidte fós é críochnú sa cheathrú háit sa chluiche ceannais do Rhasidat sna chéad Chluichí Oilimpeacha.
Bhí an chuma ar an scéal gur chuir a chuid focal feabhas ar a giúmar agus d’fhreagair sí: ‘Go hionraic, tá áthas orm a bheith sláintiúil agus ag maireachtáil go maith ina dhiaidh sin.
‘Ní raibh sé i gceist go mbeadh lá mar inniu ann, ach tá súil agam go bhfuil i bhfad níos mó le teacht.’
Bhí an chuma ar David freisin go raibh an toradh céanna aige nuair a labhair sé le Sarah Lavin, nuair a theip uirthi cáiliú do chluiche ceannais na gCliathrása (hurldles).
Agus í ag troid le deora, labhair David léi faoi cé chomh ‘diana’ is a bhí an spórt agus an leibhéal iomaíochta a bhí le sárú aici.
‘Rinne tú gach rud i gceart ach an farasbarr tanaí (fine margin) sin ar an gcliathán, sin a bhí ann?’ d’iarr sé.
Mheabhraigh sé do Sarah go raibh rith dochreidte déanta aici ag na Cluichí Oilimpeacha óna ról mar iompróir bratacha go dtí an pointe sin.
Agus í ag gabháil leithscéil le gach duine sa bhaile as gan a bheith cáilithe, chuir David stop léi ag rá: ‘Ná gabh do leithscéal, mar níl 12.69 (a cuid ama) aon rud le bheith náire faoi.
‘Rinne tú am an-mhaith. Tá d’imeacht thar a bheith láidir, caithfidh tú a bheith bródúil as a bhfuil bainte amach agat ar an mbóthar fada le teacht anseo.’
Ghabh Sarah buíochas leis as a chuid focal tuisceana agus d’aontaigh na daoine sa bhaile léi
D’fhiafraigh óstach an phodchraolta Eoin McDevitt: ‘An féidir le David Gillick bonn a fháil dá agallaimh?’
‘Agallamh álainn @DavidGillick Go raibh maith agat! Sa nóiméad sin, labhair tú na focail a theastaigh uainn go léir a rá leis an mbean spóirt iontach seo,’ a dúirt duine éigin eile.
Dúirt duine éigin eile: ‘Agallamh iontach, tá David Gillick thar cionn leis an ról seo. Níl súil thirim sa teach.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
