Beidh an maoiniú dúbailte dár lúthchleasaithe, a dúirt an tAire Spóirt Thomas Byrne, tar éis an rath iontach a bhí ag na Cluichí Oilimpeacha.
Cuirfear suas le €400milliún ar fáil do chlubanna spóirt, ní hamháin na réaltaí, sin méadú ó €200 milliún faoi láthair.
Agus cé go raibh na lúthchleasaithe ag pleanáil chomóradh Fhoireann Éireann (Team Ireland) i gCathair Bhaile Átha Cliath – bhí Kellie Harrington ag coinneáil gealltanas dá cairde agus dá comharsana féin.
Tar éis di an dara bonn óir Oilimpeach a bhaint amach, comhlíonfaidh Harrington mian trí shiúlóid a dhéanamh feadh Portland Row i mBaile Átha Cliath mar chuid den fhilleadh abhaile.
Dúirt Kellie, atá 34 bliain d’aois, gurbh fhearr léi siúl lena muintir féin ná taisteal ar bhus oscailte.
Bhí ceiliúradh Oilimpeach Fhoireann Éireann beartaithe don GPO ar 12.30pm Dé Luain, agus an dara ceann, roinnt uaireanta níos déanaí, i bPáirc an Diamaint, tuaisceart Bhaile Átha Cliath, gar dá baile, ag 7pm.
Siúlfaidh an dornálaí ó Pháirc Diamond tar éis an dara teacht abhaile oifigiúil, go Sráid Chill Áirne agus Portland Row.
Rinne 133 lúthchleasaí ionadaíocht ar Éirinn sna Cluichí Oilimpeacha i bPáras.
Ba mhná iad 64 acu agus ba fhir 69 acu, agus iad san iomaíocht thar 14 spórt. Bhuaigh siad seacht mbonn.
Bhí ceithre bhonn óir agus trí chré-umha (bronze) sa snámh, rámhaíocht, dornálaíocht agus gleacaíocht (gymnastics).
Dúirt an tAire Byrne go bhfuil ‘mórtas agus buíochas dochreidte aige do na lúthchleasaithe, dá n-oiliúnóirí agus dá dteaghlaigh as a bhfuil déanta acu’.
Cluichí Oilimpeacha iontach a bhí ann, le roinnt lúthchleasaithe ag socrú curiarracht(record) nua do spóirt na hÉireann.
Bhuaigh an snámhóir Daniel Wiffen, 23, an t-ór Oilimpeach san 800 méadar na bhfear agus bhuaigh sé an bonn cré-umha sa 1500 méadar na bhfear freisin.
Bhuaigh Rhys McClenaghan, 25, an bonn óir i gcluiche ceannais na gcapall pommel. Agus choinnigh triúr lúthchleasaí a dteideal Oilimpeach ó chluichí Tóiceo: iomairí ón Sciobairín Paul O’Donovan agus Fintan McCarthy i scullaí dúbailte éadroma na bhfear; agus Kellie Harrington i ndornálaíochta 60kg na mban.
Bhuaigh Mona McSharry, as Co. Shligigh, bonn cré-umha sa snámh brollaigh (breaststroke)100 méadar, agus bhuaigh na rámhálaithe Philip Doyle agus Daire Lynch cré-umha freisin.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
