Glacadh go maith le tuairiscí go mbeidh Micheál Martin ag seasamh don uachtaránacht – cé nach raibh siad chomh díograiseach agus a bheifí ag súil leis i bhFianna Fáil.
Is cosúil go bhfuil gean ag go leor i bhFianna Fáil do Bertie Ahern fós.
Agus tá tacaíocht shuntasach fós ag an iar-Thaoiseach agus iar-cheannaire Fhianna Fáil sa pháirtí, de réir foinsí.
Tá sé ráite ag comhghleacaithe sinsearacha an tUasal Martin go bhfuil sé beartaithe ag an Tánaiste dul san iomaíocht leis an uachtaránacht an bhliain seo chugainn.
Dúirt siad go seasfaidh sé ar leataobh mar cheannaire agus go dtabharfaidh sé deis do ghlúin níos óige Fianna Fáil a thabhairt chun tosaigh.
Tharla sé seo tar éis dó ardú céime a thabhairt do Jack Chambers óna phost mar Aire Sóisearach go dtí an Roinn is cumhachtaí atá ann, an Roinn Airgeadais.
Má thagann an tUasal Martin chun bheith ina uachtarán is é an t-aon Taoiseach, seachas Éamon de Valera, a d’éirigh leis é sin a dhéanamh.
Mar sin féin, bheadh an rud céanna fíor i gcás Bertie Ahern, nó go deimhin i gcás Leo Varadkar, dá gcinnfeadh seisean seasamh i dtoghcháin na huachtaránachta.
Léirigh pobalbhreith le déanaí nach bhfuil Ahern ach pointe amháin taobh thiar de Martin ar 11%.
Chuir an phobalbhreith an tUasal Martin agus iarcheannaire na Progressive Democrats, Michael McDowell ar 12%, trí phointe taobh thiar den iar-Choimisinéir Eorpach agus iar-TD Fhine Gael, Mairéad McGuinness.
Labhair Ahern faoin uachtaránacht in agallamh ar phodchraoladh Allenwood Conversations, arna óstáil ag an iar-uachtarán Mary McAleese.
‘Ní shiúlfá 100 slat ar an tsráid go dtí go n-ardaíonn duine éigin é i bhfoirm éigin nó eile. Tá sé dearfach den chuid is mó anois,’ a dúirt sé.
Dúirt Ahern, atá 72 bliain d’aois, nár éirigh leis ‘riamh é féin a chur as an áireamh’.
Mar sin féin, tá imní ann faoi thionchar bhinse Mahon. Bunaíodh é chun caimiléireacht phleanála a fhiosrú agus spreag sé éirí as Ahern mar thaoiseach i 2008.
Dúradh sa tuarascáil deiridh gur theip ar Ahern cuntas a thabhairt go fírinneach as an áit ar tháinig níos mó ná €165,000 i gcuntais a bhain leis.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
