Tá baile Éireannach ainmnithe i measc na 25 ionad taistil ar domhan nach bhfaigheann a dhóthain aitheantais.
D’fhoilsigh an iris, Time Out, a bhfuil cáil uirthi mar gheall ar a iriseoireacht taistil, liosta de na ceantair is fearr le cuairt a thabhairt, ar fud an domhain.
Tugadh an ‘tasc crua’ sin d’fhoireann saineolaithe. Bhí orthu taisteal ar fud an domhain chun cuairt a thabhairt ar bhialanna, caiféanna, beáir agus taitneamh a bhaint as gach rud.
Chuir siad a liosta ar fáil ansin, agus don dara bliain as a chéile, tá baile Éireannach tar éis an 25 is fearr a bhaint amach.
Níl sé ach cúpla nóiméad ó Bhaile Átha Cliath agus tá cáil air mar gheall ar a shuíomh cósta idéalach, dornálaithe, amhránaithe agus seónna aeir.
An ndearna tú buille faoi thuairim é? Sea! Tá baile cois farraige móréilimh Chill Mhantáin sa 25 is fearr.
Tháinig baile Bhré isteach sa 24ú háit de na cinn scríbe taistil ar domhan nach bhfaigheann a dhóthain aitheantais agus an t-aon áit in Éirinn atá ar an liosta.
Ba é ‘líonra na n-eagarthóirí saineolacha agus na scríbhneoirí taistil cruinne’ a chinntigh rangú.
Cuireadh de chúram orthu ‘spotaí nach rabhthas ag súil leo’ a aithint, a chuireann eispéireas taistil uathúil (unique) ar fáil.
Tá an baile Éireannach le feiceáil chomh maith le láithreacha uathúla mar Stáisiún Brown san Antartaice, Prince Edward Island i gCeanada agus ar uimhir a haon tá Filandia, an Cholóim (Colombia).
‘Níl Bancác ná Balis, Amalfis nó Amstardam’ le fáil ar an liosta, a deir an t-alt.
Ina áit sin, is é an rud a gheobhaidh tú ná ‘Yosemite dupe’, comharsa dearmadta Maracó, áit a bhfuil níos mó piongainí (penguins) ná daoine, agus an-chuid inspioráide taistil eile.
Bhí sé seo le rá ag an iris Time Out faoi bhaile Bhré.
‘Ba é teacht an iarnróid sa bhliain 1854 a rinne baile Bhré, díreach 12 mhíle ó dheas ó Bhaile Átha Cliath, chomh mór sin gur tugadh “Brighton na hÉireann” air.
‘Tar éis blianta de mheath, tá a chladach Victeoiriach míle ar fad fite fuaite le caiféanna agus bialanna.
‘Bí ag spaisteoireacht ón gcuan go Ceann Bhré atá 800 troigh ar airde, ach tóg d’am le haghaidh radhairc lánléargais óna mhullach creagach.
‘Bia ag Butler and Barry ar an trá roimh Guinness ag an institiúid áitiúil, an Harbour Bar.’
Má tá taithí agat ar gach rud atá ar fáil i mbaile in Éirinn cheana féin, féach ar chuid de na láithreacha eile atá ar ár liosta!
24. Bré, Éire
23. Lombok, an Indinéis
22. Turku, an Fhionlainn (Finland)
21. Plymouth, Sasana
20. Gippsland, An Astráil
19. Eastern Highlands, an tSiombáib (Zimbabwe)
18. Cabo Rojo, Pórtó Ríce
17. São Tomé agus Príncipe
16. Srebrenik, an Bhoisnia agus an Heirseagaivéin
15. Loch Bacalar, Meicsiceo
14. Karpathos, an Ghréig
13. Cuenca, Eacuadór
12. Mhongóil
11. Stáisiún Brown, Antartaice
10. Bentonville, Arkansas, SAM
9. Newcastle, An Astráil
8. Gleann Cochamó, An tSile
7. Tasmáin, An Astráil
6. Sibiu, an Rómáin
5. Prince Edward Island, Ceanada
4. Cón Đảo, Vítneam
3. São Sebastião, an Bhrasaíl
2. An Túinéis Theas
1. Filandia, an Cholóim (Colombia)
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
