Tá Mickey Harte tar éis éirí as a ról mar bhainisteoir peile Dhoire tar éis séasúr amháin i gceannas.
Agus tá an fhéidearthacht á mholadh anois go bhféadfadh imeacht Harte an bealach a réiteach do Rory Gallagher filleadh mar bhainisteoir Dhoire.
D’fhág Harte, a bhfuil Craobh na hÉireann buaite aige trí huaire le Tír Eoghain, a phost mar bhainisteoir Lú (Louth) chun dul i mbun an phoist i gceannas ar Dhoire, roimh thús an tséasúir.
Chabhraigh sé le Doire Corn McKenna agus teideal sraithe Roinn 1 a bhuachan – tháinig an bua sraithe tar éis ciceanna éiricí (penalties) agus bhí sé in aghaidh Bhaile Átha Cliath.
Ach is é Craobh na hÉireann an duais mhór i gcónaí agus nuair a tháinig siad chomh fada leis an gCraobh, bhí fadhbanna móra ag Doire – ag cailleadh le Dún na nGall, Gaillimh agus Ard Mhacha (Armagh).
Leis sin bhí scéalta faoi fhearg i measc na n-imreoirí agus fadhbanna smachta, scéalta a dhiúltaigh Harte leo go hiomlán.
Agus fuair Harte faoiseamh nuair a bhí an bua ag Doire ar an Iarmhí (Westmeath) – agus bua iontach ar Mhaigh Eo (Mayo) ina dhiaidh sin.
Bhuaigh siad an cluiche in aghaidh Mhaigh Eo tar éis ciceanna éiricí freisin, áfach.
Le linn an chluiche sin léirigh siad fuinneamh agus diongbháilteacht nach raibh acu le cuid de na cluichí níos luaithe sa Chraobh.
Mar sin féin, chaill siad ansin in aghaidh Chiarraí i gcluiche ceathrú ceannais na hÉireann, chun deireadh a chur lena séasúr níos measa ná mar a bhí sé roimhe sin.
Chuaigh Harte go Doire le Gavin Devlin tar éis dó a bheith in éineacht le Lú (Louth) ar feadh trí bliana – ba chosúil, ag an am, go dtabharfadh Doire seans níos fearr dó teideal Chraobh na hÉireann eile a bhuachan.
Mar sin féin, d’fhág Mickey Harte Lú le go bhféadfadh sé dul go Doire, agus tháinig feabhas ar Lú nuair a d’imigh sé. Bhí séasúr iontach acu faoin mbainisteoir Ger Brennan, iar-pheileadóir Átha Cliath.
Ar deireadh thiar, tá an fhoireann a d’fhág Harte in áit níos fearr gan é, agus tá an fhoireann a ghlac sé i gceannas air níos measa as leis.
Ghabh Cathaoirleach CLG Dhoire, John Keenan, buíochas le Harte as a chuid iarrachtaí ar son na foirne.
‘Guímid buíochas ó chroí le Mickey, Gavin (Devlin) agus a bhfoireann sa chúlra ar fad, as a gcuid oibre crua agus a dtiomantas le linn shéasúr 2024. Guímid gach rath orthu ina gcuid iarrachtaí amach anseo,’ a dúirt sé.
Ghlac Harte seilbh ar Dhoire mar gheall ar ghéarchéim bhainistíochta agus d’fhéadfadh a imeacht an bealach a réiteach do Rory Gallagher filleadh anois.
B’éigean do Gallagher, a bhí go maith le linn a thréimhse mar bhainisteoir ann, éirí as – agus dúirt an bainisteoir sealadach Ciaran Meenagh nach raibh an post ag teastáil uaidh a thuilleadh.
Stopadh Gallagher ó chóitseáil ag Painéal Coimirce CLG Uladh (Ulster GAA Safeguarding Panel), tar éis post ar na meáin shóisialta óna bhean chéile Nicola ag líomhain mí-úsáid teaghlaigh.
D’áitigh Gallagher go bhfuil na líomhaintí ‘‘investigated and dealt with by the relevant authorities’.
Thóg sé cás chuig an Údarás um Réiteach Aighneas (Disputes Resolution Authority) a chinn ina fhabhar, ag rialú nach raibh an chumhacht, faoi riail, ag CLG Uladh cosc a chur air ar an mbealach a rinne siad.
Chuir sé sin saor é le bheith ag bainistiú agus ag cóitseáil arís agus tuigtear go bhféadfadh tacaíocht éigin a bheith sa chontae dá dtarlódh sé ar ais.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
