Tá Rory McIlroy ag iarraidh a bhean chéile seacht mbliana, Erica Stoll a cholscaradh, ach cén tionchar a bheidh aige sin ar a thuilleamh – agus an mbeidh sise sásta leis an socrú??
Tháinig McIlroy agus Stoll le chéile den chéad uair ag Corn Ryder 2012, agus thug sé creidiúint di as coimhdeacht póilíní a eagrú dó nuair a bhí sé déanach le haghaidh cluiche.
Phós siad i 2017 agus tá iníon acu, Poppy, a rugadh sa bhliain 2020.
Bhí an teaghlach ina gcónaí i dteach mór $10m ag The Bear’s Club, club gailf i bhFlorida, áit a bhfuil Tiger Woods, Phil Mickelson agus Brooks Koepka ina gcónaí ann.
Tá comhaontú réamhphósta (pre-nuptial agreement) i bhfeidhm aige féin agus ag Stoll, nach bhfuil a théarmaí anaithnid.
Ach dúirt urlabhraithe do McIllroy go bhfuil sé ag iarraidh a chinntiú go mbeadh an colscaradh chomh ‘ómósach agus chomh cairdiúil’ agus is féidir.
Táthar ag súil go bhfaighidh Stoll socrú substaintiúil mar sin.
Tá glanfhiúchas (net worth) measta de $250 milliún ag McIlroy, de réir Rich List 2023 an Sunday Times, agus mheas Forbes a thuilleamh bliantúil ag thart ar $80.8 milliún.
Chuir Forbes síos air mar cheann de na himreoirí is indíolta (marketable) ag an PGA.
Tá urraíochtaí (sponsorship) ag McIlroy le TaylorMade, Nike, NBC Sports/Golf Pass, Omega, Optum agus Workday.
Táthar ag súil go seolfaidh a fhiontar (venture) TMRW Sports le Tiger Woods, sé sin sraith ghailf (golf league) oíche seachtaine i gcomhar leis an PGA, an bhliain seo chugainn
Thar thréimhse a 15 bliana ar an Turas PGA, tá buanna $86.8 milliún bainte amach ag McIlroy, rud a chuir sa tríú háit ar liosta airgid gairme an turais, taobh thiar de Woods ($121m) agus Phil Mickelson ($96.7m).
Tá €52.4 milliún tuillte aige ar an DP World Tour, an Turas Eorpach ar a dtugtaí roimhe seo.
Ina theannta sin, tá Corn FedEx buaite ag McIlroy trí huaire, ag tuilleamh $43 milliún, agus cúig Race to Dubais (thart ar $12m).
Tá ceithre mhórchomórtas buaite aige freisin: An US Open i 2011 ($1.44m), Craobhchomórtas PGA na SA i 2012 ($1.45m), An Open i 2014 ($ 1.67m), agus US PGA i 2014 ($1.8m).
Thuairiscigh Rory McIlroy Management Services Ltd, atá faoi úinéireacht iomlán McIlroy, atá lonnaithe i mBaile Átha Cliath, dliteanais (liabilities) de $6.2m ag deireadh 2022 in ainneoin go raibh $21.2m in airgead tirim agus $212.9m in iasachtaí gan íoc aige.
Thuairiscigh an gnólacht a bhfuil a phríomhghníomhaíocht ag bainistiú McIlroy agus táillí bainistíochta, brabús $11.4m dhá bhliain ó shin, an bhliain dheireanach a bhfuil cuntais ar fáil ina leith, tar éis don láimhdeachas (turnover) méadú bliain ar bhliain ó $19.7m go $37.7m.
Tá sócmhainní (assets) ag an gcuideachta ar luach $178.5m a bhaineann le paitinní McIlroy ($148.9m) agus trádmharcanna ($29.6m).
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
