Chuir baintreach Shane MacGowan, Victoria Mary Clarke, faoiseamh (relief) in iúl di tar éis gur aimsíodh raidhfil a fir chéile nach maireann a úsáideadh in Éirí Amach 1916.
Ag caint ar X, dúirt Victoria Mary: ‘Níl uaim ach a rá go bhfuarthas raidhfil Shane agus táim chomh buíoch de gach duine a chabhraigh liom.’
Dúirt sí: ‘D’iarr Shane ar a chara Joey aire a thabhairt dó cúpla bliain ó shin ar eagla go gcuirfeadh sé eagla orm é a bheith sa teach!’
Thug sí le fios ansin go raibh Joey ag tabhairt aire don raidhfil.
Dúirt Victoria Mary, a bhí le taobh Shane nuair a fuair sé bás i mí na Samhna seo caite, gur raidhfil ‘suntasach stairiúil’ é a úsáideadh in Éirí Amach na Cásca 1916.
Bronntanas do Shane ón gceoltóir Glen Hansard a bhí sa raidhfil.
Cé gur i Sasana a rugadh é, ba Éireannaigh iad tuismitheoirí Shane – Maurice ó Bhaile Átha Cliath agus Therese ó Bhéal Átha Gabhann i dTiobraid Árann – agus dúirt sé gur Poblachtach Gaelach é féin.
Chuir Victoria Mary grianghraf de Shane leis an arm ar X roimhe seo.
Creidtear go raibh raidhfil Shane ar cheann díobh sin a úsáideadh san Ard-Oifig an Phoist (GPO) áit a raibh ceanncheathrú bunaithe ag na hÓglaigh agus inar léigh Pádraig Mac Piarais Forógra na Cásca.
Bhásaigh Shane in aois a 65 ar an 30 Samhain seo caite, sa bhaile i mBaile Átha Cliath, tar éis seal fada san ospidéal. Bhí sé tinn le tamall.
Dúirt sé gur Poblachtánach é féin a chreid in Éirinn aontaithe. Chaith an t-údar Richard Balls uaireanta ag cur agallamh air dá bheathaisnéis údaraithe, A Furious Devotion, agus dúirt sé go raibh Na Trioblóidí ‘ag cur imní ar a intinn ó bhí sé ina óige’.
Scríobh Balls: ‘Tá eolas aige ar stair na hÉireann agus is Poblachtánach daingean é a áiríonn iar-uachtarán Shinn Féin Gerry Adams mar dhlúthchara.’
Go deimhin, ba mhinic iar-uachtarán Shinn Féin ag seoladh litreacha chuige thar na blianta.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
