Beidh an teocht ag -1C an deireadh seachtaine seo, a deir Met Éireann

Deir Met Éireann gur deireadh seachtaine fuar fliuch a bheidh ann – agus go mbeimid ag súil le tuilleadh báistí i laethanta tosaigh na seachtaine seo chugainn

Táthar ag súil go dtitfidh an teocht chomh híseal le -1C sna laethanta amach romhainn, le Met Éireann ag tabhairt réamhaisnéise gruama don deireadh seachtaine.

Cé go raibh an chuid is mó den earrach fuar agus fliuch, bhí muid ag súil go mbeadh an aimsir the arís, mar a bhí sé an deireadh seachtaine seo caite.

Mar sin féin, caithfear pleananna le bailiú timpeall an bhearbaiciú i ngairdíní grianmhara nó le haghaidh turais chuig páirceanna le haghaidh laethanta amuigh faoin spéir  a chur ar ceal.

Beidh aimsir fhuar ar oíche hAoine mar an aimsir fhuar a bhaineann go hiondúil leis an dara cuid den bhliain.

Tar éis solas geal na gréine Dé hAoine beidh aimsir níos fuaire ina dhiaidh sin, le ceathanna scaipthe – cuid acu trom.

Beidh na teochtaí is airde idir 8C agus 11C i ngaoth measartha, de réir Met Éireann.

Dúirt réamhaisnéiseoir ó Met Éireann: ‘Oíche Dé hAoine, tiocfaidh ceathanna agus ansin beidh tréimhsí fada geala ann.

Beidh roinnt sioc agus beidh sé fuar, leis na teochtaí is ísle idir -1C agus 3C agus beidh gaotha éadrom.’

Lá fuar a bheidh ann Dé Sathairn le meascán de thréimhsí gréine agus ceathanna scaipthe ar fud na tíre.

Beidh na teochtaí is airde idir 8C agus 12C le gaoth measartha soir ó thuaidh.

Faraor, beidh an teocht ag dul síos go -1C arís oíche Sathairn le roinnt sioc.

In ainneoin seo, beidh sé tirim agus fuar den chuid is mó den oíche.

Dúirt Met Éireann: ‘Is dócha go mbeidh báisteach ar an Domhnach ag bogadh isteach ón Atlantach i rith an lae.

‘Seans go bhfanfadh cuid mhór den deisceart agus den oirdheisceart go hiomlán tirim áfach.

‘Beidh sé fuar agus beidh na teochtaí is airde idir 9C agus 12C. Beidh gaoth aniar aduaidh ann.

Agus tá báisteach tuartha do laethanta tosaigh na seachtaine seo chugainn.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil