Tá sé fógartha ag póilíní i Sydney na hAstráile gur ‘gníomh sceimhlitheoireachta (terrorist act)’, mar gheall ar smaointe reiligiúnacha, a bhí san ionsaí sá (stabbing attack) ag eaglais Dé Luain.
Gabhadh buachaill, atá 16 bliana d’aois, tar éis ionsaí a dhéanamh ar easpag, sagart agus lucht eaglaise le linn aifreann ag Eaglais Christ The Good Shepherd.
D’fhulaing ar a laghad ceathrar gortuithe ‘neamh-bhaolach don bheatha’, a deir na póilíní. Gortaíodh an t-ionsaitheoir freisin.
Throid slua de na céadta duine le póilíní, a bhí ag cosaint na heaglaise ina raibh an t-ionsaitheoir ag fáil cóir leighis ó pharaimhíochaineoirí.
Tháinig an t-ionsaí ar Eaglais Christ The Good Shepherd i Wakeley tar éis na hionsaithe níos luaithe ar ionad siopadóireachta Westfield i mbruachbhaile Bondi Junction in oirthear Sydney thar an deireadh seachtaine.
Tharla an t-ionsaí is déanaí oíche Dé Luain ag 7pm agus gortaíodh an tEaspag Mari Emmanuel nuair a bhí sé ag ceiliúradh Aifreann.
Chuaigh fear chuige an altóir agus líomhnaítear gur bhuail sé an t-easpag sa cheann arís is arís eile le scian.
Gortaíodh lucht eaglaise san ionsaí freisin.
Craoladh píosaí scannáin den ionsaí beo ar leathanach YouTube na heaglaise, agus bhí lucht na heaglaise le cloisteáil ag screadach agus ag caoineadh le linn an ionsaithe.
Bhí clú agus cáil ar an Easpag Mar Mari Emmanuel le linn na paindéime Covid agus é ag bailiú lucht leanúna mór ar líne.
D’fhreastail oifigigh atá bainteach le ceannasaíocht limistéar póilíní Fairfield ar an séipéal ar Welcome Street, Wakeley, agus gabhadh fear agus cuireadh faoi choimeád é.
Mar sin féin, bhí tuairiscí ann go raibh slua mór de na céadta duine a bhailigh taobh amuigh den séipéal i gcoimhlint leis na póilíní agus iad ag agóidíocht faoin ionsaí.
Tháinig an t-ionsaí eaglaise 48 uair an chloig tar éis seisear a maraíodh in ionsaí sá eile i Sydney.
Mharaigh Joel Cauchi, 40 bliain d’aois, cúigear ban agus garda slándála fireannach agus ghortaigh sé go leor eile sular scaoil póilín é le piostal.
Bhí Niall Naughton, fear 27 bliain d’aois as Contae an Chláir, ach a bhfuil cónaí air i Sydney, in ionad siopadóireachta Bondi Junction nuair a tharla an t-ionsaí ansin.
Dúirt Niall, bainisteoir meabhairshláinte, atá ina chónaí i Sydney le seacht mí anuas, go raibh sé i seomra feistis nuair a dúirt duine leis: ‘Amach leat, amach leat. Caithfidh tú dul.’
Dúirt sé le RTÉ: ‘Bhí gach duine i gcruachás agus gach duine ag screadaíl agus ag caoineadh.
‘Bhí mé ag smaoineamh ar mo theaghlach féin fiú ag an am. Cad a tharlóidh má tá seans ann go dtarlóidh rud éigin dom agus go bhfaighidh mé bás?
‘Níorbh fhéidir liom mo ghuthán a bhaint amach fiú ag an bpointe sin toisc go raibh an oiread sin againn le chéile isteach sa seomra amháin.
‘Bhí mé in ann na céadta agus na céadta daoine a fheiceáil ag rith trasna an bhóthair.
‘Tá sráid dhá threo ann agus bhí siad ag teacht ag rith trasna os comhair gluaisteáin.
‘Bhí gluaisteáin ag tiomáint go tapa. Bhí sé cosúil le rud éigin a d’fheicfeá as scannán. Bhí sé chomh scanrúil sin.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
