Dúradh sa Dáil Dé Céadaoin nach raibh an Taoiseach Simon Harris in ann ceisteanna a fhreagairt ag 2pm toisc go raibh sé ar ghlaonna tábhachtacha gutháin, ach d’admhaigh a urlabhraí nach raibh an chéad ghlao gutháin go dtí 3.30pm.
Roimhe sin rinne roinnt páirtithe freasúra magadh ar Harris as a bheith as láthair – rud a chuir Príomh-Aoire an Rialtais (Government Chief Whip) Hildegarde Naughton faoi bhrú.
Dúradh le Naughton gur cheart di taifead na Dála a cheartú tar éis di a rá nach bhféadfadh Harris a bheith i láthair do Cheisteanna na gCeannairí (Leaders’ Questions), a bhí le tosú ag 2pm, mar go raibh sé ag glacadh glaonna gutháin.
Ach tá Teachtaí Dála an Fhreasúra ag tabhairt le fios go bhfuil gnó na Dála i mí-eagar anois.
Thug ceannaire Shinn Féin Mary Lou McDonald le fios gurbh iad na focail dheireanacha a bhí ag Harris sa Dáil Dé Máirt ná, ‘Leig linn dul i mbun oibre’.
Mar sin féin, ‘ina chéad lá sa phost níl sé anseo. Tá sé as láthair’, a dúirt sí.
Dúirt Naughton, áfach, go raibh an Taoiseach as láthair ó Cheisteanna na gCeannairí (Leaders’ Questions) toisc go raibh sé ag labhairt ar an bhfón le Príomh-aire na Breataine, Céad-Aire an Tuaiscirt agus an Leas Chéad-Aire, agus Uachtarán na hÚcráine.
Dúirt sí freisin go mbeidh sé sa Bhruiséil Déardaoin.
Dúirt McDonald nach raibh sé sin ceart go leor, toisc go raibh sé ag glacadh trí nó ceithre ghlao gutháin.
Dúirt sí go raibh go leor oibre le déanamh agus go raibh go leor ceisteanna le freagairt ag an Rialtas.
Dúirt ceannaire an Lucht Oibre, Ivana Bacik, go raibh sceideal fairsing gnó beartaithe ar dtús don tseachtain seo ach go raibh sé seo athraithe go léir.
Dúirt sí go bhfuil an oiread oibre tábhachtach le déanamh.
Dúirt Catherine Murphy, TD de chuid na nDaonlathaithe Sóisialacha: ‘Tá súil agam nach seo an bealach a leanfaimid leis an ngnó.’
Agus lean an chonspóid ar aghaidh nuair a tugadh le fios gur léirigh sceideal gnó na Dála go raibh Ceisteanna na gCeannairí le cur ar siúl ag 2pm.
Mar sin féin, nuair a bhailigh Teachtaí Dála i Seomra na Dála ag súil le Harris, dúirt Naughton leis an Teach nach mbeadh sé ann.
Dúirt sí nach raibh an tUasal Harris in ann láithriú mar go raibh air glaonna gutháin a dhéanamh le huachtarán na hÚcráine Volodymyr Zelensky, Príomh-aire na Ríochta Aontaithe Rishi Sunak chomh maith le Príomh-aire Thuaisceart Éireann Michelle O’Neill agus an leas-chéad-aire Emma Little-Pengelly. Dúirt sí freisin go raibh sé ag ullmhú chun taisteal go dtí an Bhruiséil agus Vársá Déardaoin freisin.
Tá sé ráite anois ag urlabhraí an Taoisigh nár tharla an chéad ghlao gutháin, a bhí le Príomh-aire na Breataine Rishi Sunak, go dtí 3.30pm. Spreag sé sin leascheannaire Shinn Féin Pearse Doherty chun iarraidh ar an bPríomh-Aoire taifead na Dála a cheartú.
Dúirt sé leis an Irish Daily Mail: ‘Ar ndóigh ba cheart di. Ba é seo an chéad lá don Taoiseach sa phost agus chuaigh sé ar iarraidh – tar éis coicíse de shos Dála.
‘Ba cheart go mbeadh sé sa Dáil ag tógáil ceisteanna ar an ngéarchéim tithíochta, ar shláinte agus ar an ngéarchéim costais mhaireachtála.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
