Nuair a bheidh bua ag foireann peile Dhoire in aghaidh Ros Comáin – nó fiú má chríochnaíonn sé ar chomhscóir – is cinnte go gcáileoidh (qualify) siad do chluiche ceannais na Sraithe Peile don chéad uair ó 2014 – nuair a chaill siad in aghaidh Áth Cliath.
Tá an chosúlacht ar an scéal go bhfeicfimid an athuair ar an gcluiche peile sin, agus áit Dhoire sa chluiche ceannais cinnte.
Fiú dá gcaillfeadh Doire, bheadh ar Áth Cliath an bua a fháil in aghaidh Thír Eoghain agus bheadh ar Chiarraí buachan in aghaidh na Gaillimhe chun áit Dhoire sa chluiche ceannais a bhagairt. Agus fiú ansin dhéanfaí cinneadh ar dhifríocht scórála. Cibé foirne a bhfuil an líon is airde scór acu i gcomparáid leis na scóir ina gcoinne, thiocfadh leo dul isteach sa chluiche ceannais.
Agus difríocht scórála 16 phointe níos fearr acu thar Chiarraí, tá foireann Mickey Harte beagnach cinnte go sroichfidh siad an cluiche ceannais fiú má bhuann Ros Comáin ina gcoinne.
Níl éinne ag súil, áfach, go mbeidh an bua ag Ros Comáin in aghaidh Dhoire.
Agus glactar leis go gcáileoidh Áth Cliath chun bualadh le Doire sa chluiche ceannais, chomh fada agus a bheidh siad ag teacht le toradh Chiarraí.
Tá seans go bhféadfadh Maigh Eo a gcosaint ar theideal na Sraithe a thabhairt go dtí an cluiche ceannais, ach bheadh a leithéid de thorthaí i gceist leis sin, ina measc buanna troma ar Áth Cliath agus Ciarraí chomh maith le fir Chonnacht ag buachan ar Mhuineachán.
Ag an taobh eile den tábla, is dócha go mbeidh ísliú (relegation) ag Ros Comáin. Chaithfeadh siad buachan in aghaidh Dhoire ar Pháirc Cheilteach agus bheadh ar Ghaillimh cailleadh in aghaidh Chiarraí i gCill Airne. Mar sin ceaptar go mbeidh Ros Comáin agus Muineachán i Roinn 2 an séasúr seo chugainn.
NA CLUICHÍ: Doire v Ros Comáin, Áth Cliath v Tír Eoghain, Ciarraí v Gaillimh, Muineachán v Maigh Eo
MO THUAR: Beidh Doire agus Áth Cliath le bualadh le chéile sa chluiche ceannais, agus ísliú ag Ros Comáin in éineacht le Muineachán.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
