Tá dhá bhialann mhóréilimh ar Shlí an Atlantaigh Fhiáin (Wild Atlantic Way) dúnta, agus tá an milleán á chur ar ‘troid’ in aghaidh an Rialtais’ agus ganntanas foirne.
Is iad na bialanna, Eithna’s By The Sea, i Sligeach, a bhí os cionn 30 bliain i mbun gnó, agus an Sea Hare Café ar an gClochán (Clifden), Co. Gaillimh, atá i gceist.
D’fhiafraigh Adrian Cummins, príomhfheidhmeannach Chumann Bialainne na hÉireann (Restaurant Association of Ireland): ‘Cé mhéad gnóthas bia eile atá le dúnadh, sula laghdóidh an Rialtas an VAT go 9%?’
D’fhógair Eithna O’Sullivan go dúnadh a bialann sa Mhullach Mór (Mullaghmore), Co. Shligigh (Sligo) an tseachtain seo caite.
Bhí gradam Georgina Campbell buaite aici roimhe seo as a bheith ar an mbialann bia mara is fearr in Éirinn.
Dúirt sí: ‘Tar éis go leor machnaimh a dhéanamh le cúpla mí anuas, bheartaigh mé doirse Eithna’s By the Sea a dhúnadh go buan (permanently) , rud a chuir deireadh le breis is scór bliain de mo phaisean agus mo ghrá ag reáchtáil bialann íocónach de bhia mara ar Shlí an Atlantach Fiáin.’
Agus í ag míniú a cinneadh, dúirt sí go raibh ‘dul chun cinn an-dúshlánach’ ag baint le bainistíocht ghnó beag faoi láthair. Bhí deacrachtaí aici foireann a aimsiú don samhradh freisin.
I bpostáil ar shuíomh Gréasáin na bialainne, ghabh sí buíochas lena soláthraithe (suppliers) áitiúla, ealaíontóirí ar chabhraigh a gcuid oibre leis an atmaisféar a chruthú agus lena cairde iomadúla a chabhraigh le linn uaireanta an ghátair.
Dúirt Sinéad Foyle agus Philippa Duff, úinéirí an Sea Hare Café: ‘Sin an deireadh. Cosúil leis an gcuid eile dár dtionscal, tá sé dodhéanta againn. Buille tar éis buille, níl ach an oiread sin is féidir linn a ghlacadh.
‘Tá muid fáilteach, cineálta, dícheallach, cothrom, flaithiúil, srl. Tá troid in aghaidh an Rialtais rómhór dúinn anois. Go raibh maith agaibh go léir.’
Thosaigh an caifé mar pop-up sa Chloigeann (Cleggan) sular bhog sé go dtí an Clochán (Clifden). Tugadh ardmholadh dó i ngradam Bialann agus Fíona na Bliana (Food and Wine Restaurant of the Year Awards) agus ainmníodh é mar chaifé is fearr i gCúige Chonnacht ag Gradaim Bhialann na hÉireann (Irish Restaurant Awards).
Ag tús na míosa chaill an caifé a áitreabh (premises).
Scríobh na húinéirí ag an am: ‘Is mór an brón agus an t-aiféala dúinn a chur in iúl nach bhfuil ár bparthas iontach bia The Sea Hare ann níos mó.
‘De bharr cúinsí nach bhfuil smacht againn orthu, tá The Sea Hare gan dídean anois.
‘Nuair a tháinig muid slán as Covid, bhí an-spraoi ann anuraidh agus dóchas ar leith don todhchaí. Ar an drochuair, ní raibh sé le bheith.”
Ag tús na míosa seo, dhiúltaigh an tAire Airgeadais Michael McGrath aon athruithe ar rátaí cánach VAT in 2024.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
