An bua ag laochra Uladh ar UCD i gCorn Sigerson Electric Ireland

16/02/2024

Léirigh na deartháireacha Canavan a gcuid scileanna nuair a chruthaigh mic léinn an Tuaiscirt go bhféadfadh na saineolaithe a bheith mícheart agus bhuaigh siad Corn Sigerson

Bhí an bua ag UCD cheana féin in aghaidh Ollscoil Uladh sna babhtaí tosaigh de Chorn Sigerson Electric Ireland – agus bhíothas ag súil go mbuafaidís arís.

Bhí imreoirí contae den scoth ag mic léinn Uladh, áfach, a raibh na scileanna peile acu le buachan in aghaidh na bhfear as ollscoil Bhaile Átha Cliath i gcluiche ceannais peile Sigerson, a imríodh i bPáirc Aibhistin De Staic i dTrá Lí, Co Chiarraí agus a craoladh ar TG4.

Fuair Darragh Canavan an chéad scór d’Ollscoil Uladh sa dara nóiméad den chluiche. Agus bhí sé féin agus a dheartháir réaltaí na foirne.
Rinne siad cinnte go raibh a n-athair Peter, iar-réalta Thír Eoghain agus tráchtaire Sky Sports, bródúil astu.

Darragh Canavan, ar chlé, agus Ruairi Canavan ó Ollscoil Uladh ag ceiliúradh lena n-athair, iar-imreoir Thír Eoghain Peter Canavan, tar éis bua i gcluiche ceannais Chorn Sigerson Electric Ireland Pic: Brendan Moran/Sportsfile.
Darragh Canavan, ar chlé, agus Ruairi Canavan ó Ollscoil Uladh ag ceiliúradh lena n-athair, iar-imreoir Thír Eoghain Peter Canavan, tar éis bua i gcluiche ceannais Chorn Sigerson Electric Ireland Pic: Brendan Moran/Sportsfile.

Trí chúil a fuair Uladh sa chéad leath agus ba leor sin chun na leaids ón Tuaisceart a fheiceáil ag ceiliúradh a gcéad Sigerson i gceann 16 bliana.

Ba é an séú huair dóibh é a bhuachan.

Tá a mbealaí buaite léirithe cheana féin ag foirne Uladh sa tsraith pheile agus rinne na mic léinn an rud céanna oíche Chéadaoin.

In ainneoin na dtuartha, bhí UCD trí chúl taobh thiar ag leath ama, 3-06 in aghaidh 0-06.

Scóráil siad sé phointe sa dara leath sula bhféadfadh Cúige Uladh scór ach níor leor é.

Sa deireadh bhí na mic léinn as Cúige Uladh ag ceiliúradh an bhua in aghaidh UCD, 3-12 in aghaidh 0-15.

D’imir Ollscoil Uladh agus UCD in aghaidh a chéile cheana féin i mBabhta 2 den chomórtas, ar pháirc UCD i mBelfield, nuair a bhí an bua ag UCD ar Ollscoil Uladh, 1-13 in aghaidh 0-8, cé nach raibh ach 14 fear acu tar éis an 22ú nóiméad nuair a fuair Kieran Kennedy cárta dearg.


Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie


Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil

RFailtelogo 1
rnaglogo2 1
TG4logo 2
RnaLlogo 4

Comhroinn Anois

You might also like ...

Lean ExtraG.ie

Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram