Fuarthas corp aturnae, David Montgomery, a bhí faoi fhiosrú ag an Dlí-Chumann (Law Society) ag am a bháis, san uisce in aice lena bhád a bhí feistithe i nDún Laoghaire, a dúradh ag ionchoisne (inquest).
Bhí David Montgomery, 54, ina chomhpháirtí bainistíochta ((managing partner) i gcleachtas dlí a mhuintire, Thomas Montgomery & Son Solicitors i nDún Laoghaire, Baile Átha Cliath.
Fuair sé bás de bharr báite (drowning) ar 10 Deireadh Fómhair 2022.
Chualathas ag suí de Chúirt Chróinéara Dúiche Bhaile Átha Cliath go raibh an tUasal Montgomery ina athair pósta de bheirt as Dún Laoghaire.
Tuairiscíodh go raibh sé ar iarraidh ag a theaghlach mar níor fhreagair sé glaonna gutháin níos luaithe tráthnóna.
Dúirt a bhean chéile, Ciara McGoldrick, leis an ionchoisne Dé Máirt go raibh bricfeasta aici an mhaidin sin lena fear céile agus gur inis sé di go raibh sé ag dul isteach sna Ceithre Cúirteanna le freastal ar thriail. Dúirt sí gur sheol sé téacs chuici thart ar 1in le rá go raibh sé fós ag an éisteacht cúirte, agus níos déanaí arís chun a rá gur fhág sé an baile mar go raibh an cás socraithe.
Dúirt Ms McGoldrick gur thuairiscigh sí féin agus a deartháir céile, Iain Montgomery, go raibh sé ar iarraidh an tráthnóna sin nuair a theip air glaonna agus téacsanna a fhreagairt. Chuaigh siad go dtí an muiríne i nDún Laoghaire áit a raibh bád acu agus thug siad faoi deara go raibh a charr páirceáilte ann.
Bhí roinnt uirlisí ar dheic an bháid agus mheabhraigh (remembered) Ms McGoldrick go raibh sé ag caint ar an bád a ullmhú don gheimhreadh.
Le linn dóibh a bheith ann, a dúirt sí, bhí corp a fir le feiceáil san uisce in aice lena bhád.
Nuair a chuir an Cróinéir (Coroner), Clare Keane ceist uirthi, an raibh aon imní uirthi faoina fear céile, dúirt Ms McGoldrick go raibh ‘saincheist’ aige leis an Dlí-Chumann nár phléigh sé léi riamh.
Dúirt sí go mbeadh ‘an méid a bhí ar siúl leis an Dlí-Chumann’ faoi strus air ach nár fhoghlaim sí faoin scéal ach lá a bháis, óna deartháir céile.
Dúirt sí gur labhair a fear céile freisin faoin gcás ar fhreastail sé air sna Ceithre Cúirteanna níos luaithe an lá sin agus dúirt sé go raibh sé ‘ag dul go dona’.
Chuala an ionchoisne nach raibh sé de nós ag an Uasal Montgomery seaicéad tarrthála (lifejacket) a chaitheamh agus é ar an mbád agus é sa mhuiríne.
Dúirt an Garda Daniel Nugent nach raibh aon chomhartha ann go raibh aon rud as áit nó go raibh streachailt ar bith ar an mbád.
Thaispeáin píosaí scannáin CCTV gurbh é an tUasal Montgomery an t-aon duine a chuaigh thar gheata an mhuiríne an tráthnóna sin.
Chuala an ionchoisne go raibh na gardaí neamhchinnte faoin gcaoi ar tháinig an tUasal Montgomery isteach san uisce ach go raibh siad sásta gur ‘timpiste tragóideach’ a bhí ann. Fuair sé bás de bharr báite.
D’iarr aturnae ar son Ms McGoldrick ar an gCróinéir breithniú a dhéanamh ar bhreith bháis timpisteach (accidental death).
Dúirt an Dr Keane, áfach, nach raibh a dhóthain fianaise (enough evidence) aici le teacht ar an gconclúid gur bás timpistaech, d’aon ghnó nó de bharr mí-eachtraí a bhí ann.
Thug sí isteach fíorasc oscailte (open verdict).
Thug an Dr Keane faoi deara go raibh an tUasal Montgomery ‘ag gníomhú as a charachtar’ lá a bháis. Ag comhbhrón lena ghaolta, dúirt an Cróinéir go raibh siad trí ‘am fíor-thrámach’.
An bhliain seo caite, chuala an Ard-Chúirt gur thángthas ar easnamh measta os cionn €1.7 milliún le linn imscrúdaithe a rinne an Dlí-Chumann ar an ngnólacht dlí a bhí á reáchtáil ag an Uasal Montgomery agus a athair, William Montgomery.
D’aimsigh an Dlí-Chumann roinnt orduithe cúirte chun sócmhainní (assets) an ghnólachta, atá lonnaithe ag Foirgnimh Anglesea i nDún Laoghaire, a roe (freeze).
Bhí an tUasal Montgomery ina ábhar d’imscrúdú eile roimhe sin as ar tháinig ordú Ard-Chúirte in 2015 a chuir cosc air a bheith ina shínitheoir ar chuntas cliaint an ghnólachta nó rochtain a bheith aige ar airgead na gcliant gan cead a fháil roimh ré ón Dlí-Chumann.
Go gairid roimh a bhás in 2022, dúirt an tUasal Montgomery le cuntasóir imscrúdaithe a cheap cláraitheoir aturnaetha agus stiúrthóir rialacháin an Dlí-Chumainn, Jim Ryan, go raibh easnamh foriomlán de thart ar €800,000 i gcuntas an chliaint.
I litir chuig an Dlí-Chumann a scríobhadh an lá tar éis bhás an Uasail Montgomery, dúirt aturnae gur thug an tUasal Montgomery treoir dó tamall gairid roimhe sin gurb é féin amháin a bhí freagrach as an easnamh i gcuntas cliaint an ghnólachta.
Dúirt an tUasal Montgomery leis an aturnae freisin nach raibh a athair, William, ná a dheartháir, Iain, atá ina dhlíodóir freisin, ar an eolas faoin easnamh.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
