Tá sé ráite ag Des Cahill go bhfuil sé ‘thar a bheith sásta’ lena chinneadh éirí as a ról mar láithreoir ar The Sunday Game.
Dúirt sé go raibh formáid an chláir ‘briste’ ag druidim le deireadh a chuid ama ar an seó.
Tar éis dó cláir spóirt eile ar nós The Road To Croker agus Up For The Match a chur i láthair roimhe sin, ghlac Cahill seilbh ar phríomhchlár buaicphointí (highlights) CLG de chuid RTÉ, tar éis do Pat Spillane imeacht in 2008.
Chuir sé an clár i láthair ar feadh 15 séasúr san iomlán sular fhág sé i mí Dheireadh Fómhair na bliana seo caite, rud a thug seans don óstach reatha Jacqui Hurley.
Mhínigh sé na fáthanna gur imigh sé ón gclár – ag rá go raibh méadú tagtha ar líon na n-ábhar ar an seó agus go raibh an iomarca le clúdach aige agus ag na daoine eile a bhí ann.
Dúirt sé le Virgin Media’s Living With Lucy gur iarr sé ar athraithe chun formáid cláir ‘bhriste’ a shocrú.
‘Rinne mé agallamh anuraidh agus dúirt mé gur bhraith mé go raibh The Sunday Game briste,’ a dúirt Cahill.
‘D’éirigh sé sin ina ábhar imní sna colúin, cláir agus podchraoltaí spóirt ar fad. Briste sa chiall seo: Blianta ó shin, [nuair a bhí] Michael Lyster [an láithreoir], thaispeánfaidís cluiche amháin ar dtús, bhí sé seo san oíche, ansin thosaigh siad ag taispeáint dhá cheann.
‘Agus ansin d’fhás sé níos uaillmhianaí (ambitious), agus i mo chuid ama thosaigh muid ag taispeáint gach cluiche, ag clúdach gach cluiche.
‘Bhí go leor le rá ag na leaids agus ní raibh am ar bith acu. Bhí frustrachas ar gach duine.
‘B’fhéidir go ndéarfadh siad rud éigin thar a bheith suimiúil agus go mbeadh ceist leantach suimiúil ann ach deirtear liom i mo chluas “Bog ar aghaidh, caithfimid bogadh ar aghaidh go dtí an chéad chluiche eile.” Dúirt mé go gcaithfidh sé athrú. Dúirt mé nach raibh mé sásta.’
Dúirt Des, arb as Baile Átha Cliath dó, freisin go raibh an obair déanach san oíche a bhain le cur i láthair an chláir ag teacht salach ar a chuid obair go luath ar maidin ar an raidió agus dúirt sé go raibh sé ‘ar a shuaimhneas’ a bheith críochnaithe leis an gclár.
Dúirt sé: ‘Ba í an cheist mhór eile ná go raibh sé ar súil ag 9.30 go 11.30 oíche Dé Domhnaigh, téann tú abhaile ag 12:40, ach cúpla maidin níos déanaí, bhí mé ag éirí ag 4.40 don “shift” luath.
‘An chodarsnacht idir maidineacha agus oícheanta déanacha, ní dóigh liom gur thuig na “bosses” go hiomlán go raibh sé sin dian.
‘Braithim thar a bheith sásta go bhfuil mé críochnaithe. [Deir roinnt daoine, “The Sunday Game, clár mór teilifíse” [ach] tá sé sin déanta agam. Tá i bhfad níos mó rudaí ag an saol domsa. Ní hé a bheith ar an teilifís an t-aon rud amháin.’
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
