Níor theastaigh uaim riamh an Garda Síochána a fhágáil, ach sa deireadh níor tugadh aon rogha dom. Ba bhreá liom a bheith i mo gharda, agus chaith mé na blianta mar oifigeach i ngnáthéadaí i gceantar gnóthach Chroimghlinne (Crumlin) i mBaile Átha Cliath.
Ba gharda an-ghníomhach mé agus bhain mé taitneamh as an obair a rinne mé i gcónaí; D’oibrigh mé ar na sráideanna agus thug mé baill de bhuíon coireachta Kinahan chun na cúirte.
Tháinig athrú ar mo phost – agus ar mo shaol – tar éis dom mo rúitín (ankle) a bhriseadh agus mé ar dualgas, agus níorbh fhada gur mhothaigh mé na hiarmhairtí (repercussions) airgeadais.
Bhí mé as obair ar feadh cúpla mí agus mé ag téarnamh (recovering), agus cé go raibh mé fós íoctha, bhí tionchar mór ag cailliúint ragoibre (overtime) orm.
Dhá bhliain ina dhiaidh sin, i mí na Nollag 2021, bhris mé mo lámh agus mé ag gabháil ciontóir gnéis (sex offender) ciontaithe a raibh baint aige freisin le buirgléireacht.
Dúirt sé liom níos déanaí: ‘Tá súil agam go bhfuil sé f***ing mangled’ – léadh é seo amach sa chúirt ina dhiaidh sin.
Tharla an dá ghortú tar éis dul so tóir ar carr, an dá ghluaisteán ag tuairteáil (crash) agus na coirpigh ag iarraidh teitheadh.
Táim pósta agus is athair mé, agus mar gheall ar an tionchar airgeadais de bharr na ngortuithe a bhí agam, ní raibh an dara rogha agam ach bogadh abhaile go hiarthar na hÉireann, mar ní raibh mé in ann costas ard cíosa i mBaile Átha Cliath a íoc a thuilleadh.
Nuair a d’fhill mé ar dhualgas lánaimseartha bhí mé gann agus bhí orm taistil go Cromghlinn.
Roinnt oícheanta bhí orm codladh i mo charr in aice leis an stáisiún. Chuir mé isteach le haghaidh aistrú (transfer).
Dúradh liom i dtosach báire go raibh ‘cás láidir’ agam maidir le haistriú, ach ní raibh aon ghardaí nua ag tosú ag obair sa stáisiún agus níor tharla an t-aistriú riamh.
Mar sin b’éigean dom éirí as an bpost a thaitin liom, mar ní raibh mé in ann leanúint ar aghaidh mar a bhí mé.
Luaigh mé é seo i mo litir faoi éirí as oifig; ag cur in iúl do na ceannairí nach raibh mé ag iarraidh an fórsa a fhágáil, ach gur fhág cúinsí (circumstances) a tharla de bharr mo ghortuithe ag obair mé gan an dara rogha.
Bhuail mé le ‘chiefs’ [Príomh-Cheannfoirt] agus ‘supers’ agus mo sháirsint chun féachaint an raibh aon rud a d’fhéadfadh siad a dhéanamh.
Bhí mé ag súil go mór go n-iarrfadh duine sa bhainistíocht orm fanacht, ach ní bhfuair mé admháil fiú go raibh mo litir faoi éirí as oifig faighte.
Níos déanaí, tar éis dom an fórsa a fhágáil, fuair mé ríomhphost ag iarraidh orm athmhachnamh a dhéanamh ar mo chinneadh, ach faoin am sin bhí sé ró-dhéanach.
D’éirigh mé as an bhfórsa go foirmiúil i mí Dheireadh Fómhair seo caite.
Sa bhaile, fuair mé post eile agus de réir a chéile tháinig feabhas ar mo staid airgeadais, ach i mo chroí bhí mé ag iarraidh a bheith i mo gharda.
I mí Eanáir na bliana seo, chinn mé iarratas a dhéanamh dul ar ais. Sheol mé m’iarratas isteach, agus an tseachtain seo fuair mé ríomhphost ó Choimisinéir an Gharda Síochána Drew Harris ag insint dom gur diúltaíodh don iarratas.
Ina litir, dúirt an Coimisinéir go ndearna sé ‘gach rud a mheas’, mo chúinsí agus na teistiméireachtaí ó mo bhainistíocht áitiúil, agus bhí sé ag diúltú don iarratas.
Ní féidir liom achomharc a dhéanamh maidir leis an gcinneadh seo agus dúradh liom nach féidir liom fiú míniú a fháil ach an oiread, ar an fáth ar diúltaíodh do m’iarratas.
Le linn mo shaol oibre mar gharda, ní raibh mé ‘disciplined’ riamh agus bhí taifead gan smál orm.
Más mian liom a bheith ar an bhfórsa arís, dúradh liom go mbeidh orm dul ar ais go Coláiste Oiliúna an Teampaill Mhóir (Templemore training college) agus oiliúint a atosú i rud éigin a bhfuilim cáilithe cheana féin, agus a fuair mé céad onóracha ann.
Táim trína chéile go pearsanta faoin gcinneadh, ach ag cur san áireamh na fadhbanna móra earcaíochta atá san fhórsa – agus an líon is mó daoine atá ag éirí as i mbliana – tá sé sin níos measa.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
