Tá an t-amhrán deireanach de chuid na Beatles eisithe ag Paul McCartney agus Ringo Starr.
Is é John Lennon a scríobh agus atá ag canadh ar Now and Then, a forbraíodh níos déanaí le baill eile an bhanna lena n-áirítear George Harrison.
Chríochnaigh McCartney agus Starr é beagnach caoga bliain tar éis do Lennon é a thaifeadadh.
Tháinig an rian ó téip ‘demo’ de chuid Lennon agus beidh sé a seoladh ar 2 Samhain.
Eiseofar clár faisnéise 12 nóiméad le tráchtaireacht ó McCartney agus Starr leis an amhrán nua.
Thaifead Lennon an ‘demo’ ag deireadh na 1970idí ag a áit conaithe i bhFoirgneamh Dakota i Nua-Eabhrac, agus tá ceol pianó ann freisin.
Tar éis a bháis i 1980, agus é 40 bliain d’aois, thug bean chéile Lennon, Yoko Ono, an taifeadadh do na Beatles a bhí fágtha i 1994 in éineacht le Free As A Bird agus Real Love, a d’eisigh an banna cheana féin.
Thaifead Harrison, McCartney agus Starr páirteanna nua agus chríochnaigh siad meascán garbh do Now And Then leis an léiritheoir agus ceoltóir Jeff Lynne.
Níor scaoil an banna an t-amhrán an uair sin, áfach, toisc go raibh fadhb acu guth Lennon a bhaint as an bpianó. Mar sin féin, is féidir é sin a dhéanamh anois de bharr dul chun cinn teicneolaíochta.
Dúirt McCartney: ‘Sin a bh anní, glór John, criostail soiléir. Tá sé an-mhothúchánach agus táimid go léir ag imirt air, is fíor-thaifead de chuid Beatles é.
‘In 2023, le bheith fós ag obair ar cheol na Beatles, agus ar tí amhrán nua a seoladh nár chuala an pobal, sílim gur rud spreagúil é.’
Chríochnaigh McCartney agus Starr an t-amhrán anuraidh, lena n-áirítear giotár leictreach agus acústach Harrison a taifeadadh i 1995.
Fuair Harrison bás i mí na Samhna 2001 agus é 58 bliain d’aois.
Cuireadh páirt druma Starr in éineacht le ‘bass’, giotár, pianó agus giotár sleamhnán aonair le McCartney, spreagtha ag Harrison.
Dúirt Ringo: ‘Ba é an rud ba ghaire a bheidh againn go deo é a thabhairt ar ais sa seomra agus mar sin bhí sé an-mhothúchánach dúinn go léir. Ceapfá go raibh John ann.’
Dúirt Sean Ono Lennon, mac Lennon agus Ono: ‘Bhí sé thar a bheith iontach iad a chloisteáil ag obair le chéile tar éis na mblianta go léir go raibh daidí imithe.’
Ar an 10 Samhain, déanfar dhá albam – 1962-1966, The Red Album, agus 1967-1970, The Blue Album – a atheisiúint ina mbeidh 21 traic nua.
Beidh an clár faisnéise Now And Then – The Last Beatles Song ar siúl ag 7.30pm ar an 1 Samhain ar chainéal YouTube na Beatles.
Eiseofar an t-amhrán ag 2pm ar 2 Samhain le céad singil an bhanna Love Me Do ó 1962.
Eiseofar físeán ceoil ar an 3 Samhain.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
