Poist Éireannacha ag dul go dtí an tSín: Tá sé beartaithe ag Nestlé 542 duine a chur as obair i Luimneach

19/10/2023

Aistreofar na poist go dtí an tSín agus an Eilvéis nuair a dhúnfaidh Nestlé a mhonarcha in Éirinn

Tá níos mó ná 500 post i mbaol ag monarcha atá faoi úinéireacht Nestlé i Luimneach.

Déantar bainne foirmle do naíonáin (infant formula) ag Wyeth Nutrition in Eas Géitine (Askeaton).

Tá togra fógartha ag Nestlé an monarcha a dhúnadh faoin gcéad chuid de 2026.

Wyeth Nutrition in Eas Géitine (Askeaton), Luimneach
Wyeth Nutrition in Eas Géitine (Askeaton), Luimneach

Dúnfar ionad taighde agus forbartha comhlonnaithe freisin faoin gcéad ráithe de 2025 faoi na moltaí.

‘Rachaidh muid i gcomhairle anois leis na fostaithe go léir agus lena gceardchumainn ionadaíochta (representative unions),’ a dúirt an comhlacht i ráiteas.

‘Ar an drochuair, ciallaíonn an fógra go gcuirfear thart ar 542 comhghleacaí i mbaol iomarcaíochta (redundancy).’

Ba le Pfizer Nutrition an planda roimhe seo agus cheannaigh Nestlé é in 2012.

Feidhmíonn sé faoi láthair mar Wyeth Nutritionals Ireland Ltd.

Tá an chuideachta ag cur an mhilleáin ar an laghdú san éileamh ar a chuid táirgí sa tSín, áit a bhfuil titim ghéar ar an ráta breithe (birth rate) agus ardú ar tháirgí a tháirgtear go háitiúil (locally produced).

‘Chun dul in oiriúint do na hathruithe sin táimid ag moladh an táirgeadh a aistriú ó Eas Géitine (Askeaton) go dhá mhonarcha atá ann cheana féin –Suzhou, Mórthír na Síne agus Konolfingen, an Eilvéis,’ a dúirt an chuideachta.

‘Tá ionad barr feabhais domhanda R&D le haghaidh táirgí naíonán agus máithreachais ag Konolfingen freisin ag Wyeth agus Nestlé Nutrition.

Wyeth Nutrition hong kong 1
Wyeth Nutrition i Hong Kong

‘Tá sé beartaithe go ndéanfaí obair R&D ag Eas Géitine a shú isteach i Konolfingen, áit a n-oibríonn 365 comhghleacaí ar thaighde agus ar fhorbairt táirgí thar go leor disciplíní, agus go neartófaí ionad satailíte R&D i Shanghai.’

Dúirt an chuideachta freisin gur breathnaíodh go cúramach ar na moltaí agus nach bhfuil aon léiriú ar an obair iontach a rinne a fostaithe in Eas Géitine le blianta fada anuas.

Dúirt Nestlé go ndearna sé iarracht ceannaitheoir a aimsiú don phlanda, ach níor éirigh lena chuid iarrachtaí.

Dúirt sé, áfach, go bhfanfaidh sé oscailte do chur chuige ó ‘cheannaitheoir inchreidte’ le linn na tréimhse comhairliúcháin leis an bhfoireann.


Scéalta ExtraG.ie ó Luan go hAoine

• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram