Beidh an tAire Meán Catherine Martin á cheistiú ag Coiste Meán an Oireachtais agus ‘frustrachas’ orthu faoi theip an Rialtais déileáil le géarchéim airgid RTÉ.
Tá iarrtha ar an Aire Martin teacht os comhair na dTeachtaí Dála agus na seanadóirí ar an gcoiste a luaithe agus is féidir lena rá cad iad na pleananna atá ag an Rialtas do RTÉ.
Tá baill an choiste ag iarraidh brú a chur ar an aire cinneadh a dhéanamh faoin maoiniú do RTÉ.
Tá an stáisiún gann ar airgead cheana féin agus tá €5.2 milliún caillte acu freisin in airgead ó tháillí an cheadúnais teilifíse nach bhfuil daoine ag íoc as ó léiríodh an scannal íocaíochta.
Bhí cruinniú príobháideach ag Coiste na Meán Dé Máirt mar gheall ar an bhfrustrachas a bhí orthu gan freagraí a fháil ar cad atá an Rialtas chun a dhéanamh faoi RTÉ.
Tá an tAire Martin, leascheannaire an Chomhaontais Ghlais, ag caitheamh ama lena theaghlach le linn shos an tsamhraidh sa Dáil agus níor fhreagair sí ceisteanna ó na meáin le breis agus mí.
Glacfaidh an tAire le cuireadh Choiste na Meán, a dúirt a hurlabhraí, ach beidh sé Deireadh Fómhair sula dtiocfaidh sí os comhair na bpolaiteoirí, ‘arb é an dáta is luaithe a thairg an coiste’.
Ag a chruinniú príobháideach, chinn Coiste na Meán cuireadh a thabhairt do Ardstiúrthóir RTÉ Kevin Bakhurst agus don chuid eile den bhord teacht os a chomhair an mhí seo chugainn – seachtain sula n-atosóidh an Dáil.
D’iarr an coiste freisin ar RTÉ aon cháipéisíocht gan réiteach a chur isteach faoin Aoine, 8 Meán Fómhair.
Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
