Tháinig bualadh bos ollmhór i dTrá Lí nuair a bronnadh Roisín Wiley as Nua-Eabhrac ar an 63ú Rós Thrá Lí ar oíóche Dé Máirt.
In oíche cheiliúrtha oidhreacht na hÉireann is fearr, bhí an-iontas ar an bhean, atá 27 bliain d’aois, nuair a rinne na hóstach Daithí Ó’Sé agus Kathryn Thomas an fógra.
‘Tá mé gan chaint, táim chomh buíoch agus táim ar bís le haghaidh an bhliain atá ag teacht,’ a dúirt Roisín.
‘Ó mo bheannacht. WOW! Tá ionadh orm agus chomh buíoch as bualadh leis na cailíní iontacha seo go léir agus táim ag tnúth go mór le gach rud atá le teacht.
‘Buíochas le gach duine,’ a dúirt sí agus í ag glacadh lena saise ó bhuaiteoir na bliana seo caite, Rós na hIarmhí Rachel Duffy.
Bhí Roisín, a bhfuil cónaí uirthi i Manhattan agus a oibríonn i ndíolachán agus margaíocht, le rá ag na geallghlacadóirí mar cheann de na daoine is ansa leis an gcomórtas bliantúil a bhuachan.
Cé gur rugadh i Nua-Eabhrac í tá Roisín ina cuairteoir rialta abhaile lena tuismitheoirí Eddie agus Majella, ar as Cill Mocheallóg agus Teampall an Ghleanntáin (Kilmallock agus Templeglantine) i Luimneach dóibh – ach chuaigh siad ar imirce go Nua-Eabhrac nuair a bhí siad sna 20idí.
Roimh imeachtaí Rós Thrá Lí, dúirt Roisín: ‘Tá lúcháir orm páirt a ghlacadh san fhéile, agus beidh an-chraic agam bualadh leis na mná iontacha eile seo ar fad.
‘Beidh mé buíoch go deo le mo theaghlach agus mo chairde as a dtacaíocht gan stad!’
Bhí féile na bliana seo lán le hócáidí suntasacha agus an caidreamh idir Kathryn Thomas agus Dáithí Ó Sé fógartha go rathúil.
Bhí ceann de na tráthanna ba mhothálaí ann oíche Dé Máirt nuair a labhair Rós An Chláir Aisling O’Connor faoi chailliúint a tuismitheoirí a fuair bás díreach trí bliana óna chéile.
Tháinig a máthair slán as ailse i 2004 go dtí go bhfuair sí an dara diagnóis in 2020, go gairid i ndiaidh bhás a fir chéile.
Dúirt Aisling: ‘Mhaireamar saol fíor-shásta, álainn suas go dtí 2018 nuair a stop ár saol go hiomlán agus nuair a chailleamar ár n-athair i dtimpiste tragóideach.
‘Bhí tionchar aige orainn go léir, ach chuaigh sé i bhfeidhm ar mamaí níos doimhne ná an chuid eile againn.
‘Ansin, stop ár saol arís in 2020 nuair a fuair mamaí an dara diagnóis ailse.
‘Throid sí an troid is dochreidte, diongbháilte suas go dtí 2021 nuair a fuair sí bás agus muid timpeall uirthi.’
Thug Aisling creidiúint dá pobal san Fhiacail (Feakle) as dul thar fóir agus níos faide ar son a muintire, ag rá: ‘Braithim go bhfuil an t-ádh dearg orm ar bhealach mar ní raibh muid riamh inár n-aonar.’
D’éiligh Rós Nua-Eabhrac an teideal Rós Thrá Lí ceithre huaire san iomlán: Maggie Flaherty i 1974, Marie Soden i 1976, Roisín Egenton i 2000, agus Lisa Murtagh i 2007.
Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
