Dúirt bean chéile Huw Edwards gurb é an láithreoir ón BBC a líomhnaítear (alleged) go raibh baint aige le híocaíochtaí ar íomhánna gnéis (sexual images).
Breathnaíodh ar an léitheora nuachta Huw Edwards, ón mBreatain Bheag, mar aghaidh agus mar ghuth BBC News.
Tá sé ar dhuine de na léitheoirí nuachta is cáiliúla ag an BBC, agus chlúdaigh sé na himeachtaí stáit is tábhachtaí sa Bhreatain, lena n-áirítear sochraid na Banríona Eilís agus corónú an Rí Charles.
D’ainmnigh a bhean Vicky Flind é i ráiteas a eisíodh thar a cheann, tar éis do na póilíní a rá nach ndéanfaí aon imscrúdú coiriúil ar na líomhaintí.
Dúirt Ms Flind go raibh imní uirthi faoi shláinte mheabhrach (mental health) a fir mar gheall ar na scéalta, a foilsíodh den chéad uair sa nuachtán an Sun.
I ráiteas, dúirt Ms Flind: ‘I bhfianaise an tuairiscithe le déanaí maidir le “Láithreoir an BBC” tá an ráiteas seo á dhéanamh agam thar ceann m’fhear céile Huw Edwards, tar éis cúig lá thar a bheith deacair dár muintir.
‘Tá sé seo á dhéanamh agam go príomha as imní faoina leas meabhrach agus chun ár bpáistí a chosaint,’ a dúirt sí.
Dúirt sí: ‘Tá fadhbanna móra meabhair shláinte ag baint le Huw.
‘Mar atá doiciméadaithe go maith, cuireadh cóireáil (treatment) air le haghaidh dúlagar (depression) trom le blianta beaga anuas.’
‘Tá imeachtaí an chúpla lá seo caite go mór in olcas, d’fhulaing sé eachtra thromchúiseach eile agus tá cúram ospidéil á fháil aige anois mar othar cónaitheach (in-patient) áit a bhfanfaidh sé go ceann i bhfad.’
Dúirt sí, nuair a bheidh sé go maith arís, go bhfuil sé i gceist aige freagra a thabhairt ar na scéalta atá foilsithe.
Dúirt sí: ‘Le bheith soiléir dúradh le Huw ar dtús go raibh líomhaintí á ndéanamh ina choinne Déardaoin seo caite.’
D’iarr sí ar phríobháideacht dá teaghlach agus dúirt sí go bhfuil brón mór ar Huw mar go chuir an tuairimíocht sna meáin le déanaí isteach ar an oiread sin comhghleacaithe.
Tháinig an ráiteas amach nuair a dúirt an Metropolitan Police nach raibh aon chion coiriúil (criminal offence) déanta ag an láithreoir.
Bhí sé mar léitheoir an News at Ten go dtí go ndearnadh na líomhaintí in a aghaidh agus bhí sé ann ar feadh 20 bliain.
SCÉAL EILE: Líomhaintí in aghaidh láithreora an BBC ‘seafóid’, a deir an duine óg
Íocadh níos mó ná €500,000 leis anuraidh.
Tá an láithreoir, atá 61 bliain d’aois, a bhfuil cónaí air i Londain lena bhean chéile agus cúigear leanaí, tar éis labhairt cheana féin faoina dhúlagar (depression).
• Is seirbhís nuachta Gaeilge í www.ExtraG.ie a chuireann Nuacht agus Sport agus Siamsaíocht bhríomhar (lively) ar fáil gach lá. Chun tuilleadh eolais a fháil ar fheabhsú do chuid Gaeilge is féidir dul chuig Conradh na Gaeilge agus Foras na Gaeilge.
Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
